ავიაკომპანია Wizz Air-ი საქართველოში პირველ წარმომადგენლობას 23 სექტემბერს გახსნის. 

რეგიონში ავიაკომპანიის პირველი ბაზა ქუთაისის დავით აღმაშენებლის სახელობის საერთაშორისო აეროპორტში გაიხსნება. "კომერსანტის" ინფორმაციით, ქართულ წარმომადგენლობას ფინანსურ და საკონსულტაციო მომსახურებას ქართული კომპანია Financial Outsource გაუწევს.

როგორც Financial Outsource-ის გენერალური დირექტორი გიორგი ხატიაშვილი განმარტავს, ამ დროისთვის უკვე დასრულების პროცესშია ყველანაირი სახის საორგანიზაციო და ტექნიკური საკითხების მოგვარება.

მისი განცხადებით, უნგრული კომპანია ქუთაისის საერთაშორისო აეროპორტიდან ევროპისკენ შვიდ ახალ მიმართულებასაც დაამატებს. ესენია: ქუთაისი-ბერლინი, ქუთაისი-მიუნხენი, ქუთაისი-მილანი, ქუთაისი-დორტმუნდი, ქუთაისი-სალონიკი, ქუთაისი-ლარნაკა და ქუთაისი-სოფია.

მისივე ინფორმაციით, ავიაკომპანიას ეყოლება 40-მდე თანამშრომელი, მათ შორის საკუთარი პილოტები და ეკიპაჟი.

ავიაკომპანია Wizz Air-ი, რომელიც საქართველოში 2012 წლიდან ოპერირებს, ამ დროისთვის ევროპის რამდენიმე ქალაქში დაფრინავს. მათ შორის, ქუთაისიდან მგზავრების გადაყვანა ვარშავის, კატოვიცეს, ბუდაპეშტის, ლიტვისა და მიმართულებით ხდება.

Wizz air-მა ავიარეისების რაოდენობის გაზრდა და დავით აღმაშენებლის სახელობის საერთაშორისო აეროპორტში საკუთარი ბაზის დაფუძნება მიმდინარე წლის მაისში დააანონსა. მაშინ Wizzair-ის კომუნიკაციების დირექტორმა დაგ ოლივიერმა განაცხადა, რომ ეს გადაწყვეტილება 100 მილიონი აშშ დოლარის ინვესტირების ტოლფასია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს