საქართველოში საერთაშორისო სათხილამურო ფედერაციის ტრამპლინზე ხტომისა და ორჭიდის მიმართულების აღმასრულებელი დირექტორი ვალტერ ჰოფერი იმყოფება.

ამის შესახებ „ექსპრესნიუსს“ ეკონომიკისა და მდგრადი განვითარების სამინისტროდან აცნობეს.

უწყების ინფორმაციით, საქართველოს ეკონომიკისა და მდგრადი განვითარების სამინისტროს „მთის კურორტების განვითარების კომპანიისა“ და საქართველოს სათხილამურო ფედერაციის წარმომადგენლებთან ერთად ვალტერ ჰოფერმა ბაკურიანის ტერიტორია დაათვალიერა, სადაც ტრამპლინზე ხტომის ინფრასტრუქტურის მოწყობა იგეგმება.

საქართველოში ამ მიმართულების განვითარებაზე ვალტერ ჰოფერმა საქართველოს პირველ ვიცე-პრემიერთან, დიმიტრი ქუმსიშვილთან გამართულ შეხვედრაზეცისაუბრა, რომელსაც ეკონომიკის სამინისტროს მთის კურორტების განვითარების კომპანიის ხელმძღვანელი ალექსანდრე ონოფრიშვილი, საქართველოს სათხილამურო ფედერაციის პრეზიდენტი ზურაბ კოსტავა და ამავე ფედერაციის წარმომადგენელი ეკატერინე ორჯონიკიძე ესწრებოდნენ.

„ძალიან სასიხარულოა ჩვენთვის, რომ საერთაშორისოსათხილამურო ფედერაციის წარმომადგენელი იმყოფება საქართველოში. მან დაათვალიერა ბაკურიანი და ამჟამად ვაწარმოებთ მოლაპარაკებებს, რომ რაც შეიძლება სწორ ადგილას განლაგდეს ის ინფრასტრუქტურა, რომლის აშენებაც გვაქვს დაგეგმილი ოლიმპიური სტანდარტების მიხედვით.ვალტერ ჰოფერისგან მივიღეთ გარკვეული რჩევები, გვქონდა საქმიანი შეხვედრები და ვფიქრობთ, რომ ეს ყველაფერი ძალიან გამოგვადგება სათხილამურო სპორტის ტრამპლინზე ხტომის მიმართულების განვითარებისთვის“ - განაცხადა მთის კურორტების განვითარების კომპანიის ხელმძღვანელმა ალექსანდრე ონოფრიშვილმა.

ვალტერ ჰოფერის შეფასებით, ბაკურიანი თხილამურებით ტრამპლინიდან ხტომის მოყვარულთათვის მთელს მსოფლიოშიცნობილი სამთო-სათხილამურო კურორტია.

„მოხარული ვარ, რომ  ბაკურიანის დათვალიერების შესაძლებლობა მომეცა. ბაკურიანი ის სამთო-სათხილამურო კურორტია, რომელიც კარგადაა ცნობილი თხილამურებით ტრამპლინიდან ხტომის მოყვარულთათვის მთელს მსოფლიოში. ეს სწორედ ის ადგილია, სადაც ლეგენდარული კობა წაქაძე ცხოვრობს და მე მისი გაცნობის შესაძლებლობაც მომეცა. ჩვენ დავათვალიერეთ არსებული ტრამპლინი, შესაბამისი ინფრასტრუქტურა და ვესაუბრებით მთავრობას მისი განახლება-რეკონსტრუქციის აუცილებლობაზე. დარწმუნებულები ვართ, რომ 3-5 წლის საშუალოვადიან პერიოდში ჩვენ აქ უკვე გავმართავთ საერთაშორისო შეჯიბრებებს ტრამპლინიდან თხილამურებით ხტომაში“ - აღნიშნა ჰოფერმა.

საქართველოში  საერთაშორისო სათხილამურო ფედერაციის ტრამპლინზე ხტომისა და ორჭიდის მიმართულების აღმასრულებელი დირექტორი ვალტერ ჰოფერისაქართველოს სათხილამურო ფედერაციის მოწვევით ჩამოვიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს