გერმანიის ქალაქ ვიურცბურგთან ნაჯახით შეიარაღებული მამაკაცი მატარებლის მგზავრებს თავს დაესხა, - ამის შესახებ BBC იუწყება.

მედია საშუალების ინფორმაციით, თავდასხმის შედეგად 20-მდე ადამიანი დაშავდა. რამდენიმე მათგანმა სიცოცხლისთვის საშიში დაზიანებები მიიღო.

როგორც BBC წერს, ადგილობრივმა სამართალდამცველებმა თავდამსხმელს ცეცხლი გაუხსნეს.

სამართალდამცველების ინფორმაციით, მატარებლის მგზავრებზე თავდამსხმელი სავარაუდოდ 17 წლის ავღანელი ლტოლვილია, რომელიც გერმანიაში მშობლების გარეშე ჩამოვიდა. ის ლტოლვილთა თავშესაფარში, ბოლო 2 კვირის განმავლობაში კი - ოქსენფურტში, მიმღებ ოჯახში ცხოვრობდა.

ბავარიის პოლიციის ცნობით, მატარებლის მგზავრებზე თავდამსხმელი მარტო მოქმედებდა.

როგორც ბავარიის შინაგან საქმეთა მინისტრმა, იოაჰიმ ჰერმანმა განაცხადა, ნაჯახით და დანით შეიარაღებული მოზარდი მგზავრებს მაშინ დაესხა, როცა მატარებელი ვიურცბურგის სადგურს უახლოვდებოდა. როცა მატარებელი გაჩერდა, თავდამსხმელი გაიქცა და მიმალვა სცადა, მაგრამ მას ადგილზე პოლიციის ეკიპაჟი დახვდა. არასრულწლოვანმა ნაჯახით პოლიციაზე თავდასხმა სცადა, რა დროსაც, ის მოკლეს.

დანაშაულის მოტივი აქამდე უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა