თურქეთში 2 745 მოსამართლე გაათავისუფლეს, - ამის შესახებ ინფორმაციას სააგენტო Anadolu ავრცელებს.

გადაწყვეტილება მოსამართლეებისა და პროკურორების უმაღლესმა საბჭომ მიიღო.

სააგენტოს ინფორმაციით, გადაყენებული მოსამართლეები ამბოხებულებს თანაუგრძნობდნენ.
გადაყენებულია ასევე ქვეყნის იუსტიციის უმაღლესი ორგანოს – მოსამართლეთა და პროკურორთა უზენაესი საბჭოს ხუთი წევრი.

გარდა ამისა, რუსული მედიის ინფორმაციით, თურქეთის პროკურატურამ 188 მოსამართლის დაკავების შესახებ ბრძანება გასცა, რომელთაგან 10, უკვე დაკავებულია.

შეგახსენებთ, თურქეთში სამხედრო გადატრიალება გუშინ საღამოს დაიწყო. ამ დროისთვის არსებული ინფორმაციით, შეტაკებების შედეგად 194 ადამიანი გარდაიცვალა, 1440 კი დაშავდა. სატამბოლსა და ანკარაში სროლის ხმა ამ დრომდე ისმის.

თურქეთის პრემიერ-მინისტრის ბინალი ილდირიმის განცხადებით, 2839 ამბოხებული სამხედრო უკვე დაკავებულია. ამასთან, ცნობილია, რომ თურქეთის საკონსტიტუციო საბჭო შეიკრიბება და სიკვდილით დასჯის აღდგენის საკითხზე იმსჯელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა