ვაშინგტონში, საქართველოს დამოუკიდებლობის დღისადმი მიძღვნილ ღონისძიებაზე, საქართველოს თავდაცვის მინისტრმა თინათინ ხიდაშელმა აშშ-ის თავდაცვის მდივნის მრჩეველს, კავკასიისა და კასპიის რეგიონის მიმართულების დირექტორს, პოლკოვნიკ ტრეისი როუს მედალი "გენერალი მაზნიაშვილი" გადასცა.

ხიდაშელის განცხადებით, ამერიკის შეერთებული შტატებისა და საქართველოს სტრატეგიულ პარტნიორობას, ორივე მხრიდან, სწორად პოლკოვნიკ ტრეისი როუს მსგავსი ადამიანები უმყარებენ საფუძველს.

„ტრეისი როუ საკუთარი ქვეყნის გამორჩეული და  ღირსეული სამხედრო მოსამსახურე, ხოლო, საქართველოს განსაკუთრებული მეგობარია“, -  აღნიშნა თინათინ ხიდაშელმა. ღონისძიებას, რომელიც აშშ-ში საქართველოს საელჩოს მიერ იყო ორგანიზებული, შეერთებული შტატების საკანონმდებლო და აღმასრულებელი ხელისუფლების წარმომადგენლები დაესწრნენ.

სტუმრების სიაში საქართველოს პარტნიორი და მეგობარი სახელმწიფოების სხვა საჯარო მოხელეებიც იყვნენ. საზეიმო ღონისძიებაზე არაერთხელ აღინიშნა საქართველო-აშშ-ის ორმხრივ ურთიერთობებში საქართველოს თავდაცვისუნარიანობის გაძლიერების მიმართულებით მიღწეული წარმატებები. ხაზგასმით აღინიშნა მაისში ერთობლივი სამხედრო წვრთნის "ღირსეული პარტნიორის" წარმატებით ჩატარება და მნიშვნელობაც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა

ხოშტარია: ჩემზე არ ინერვიულოთ, რუსებთან ბრძოლაში ბევრად მეტისთვის ვარ მზად

როგორ გამოიყენებ მზის ენერგიას ბიზნესში - გაიარე სრულად დაფინანსებული ბიზნესკურსი