"კრემლმა მორიგი უტიფარი ულტიმატუმი წაგვიყენა",-ამის შესახებ ექსპერტმა სოსო ცისკარიშვილმა პრეზიდენტ მარგველაშვილთან გამართული შეხვედრის შემდეგ ჟურნალისტებს აფხაზეთის გავლით რკინიგზის აღდგენის საკითხზე საუბრისას განუცხადა.
მისივე განმარტებით, იმის სანაცვლოდ, რომ რუსეთმა შეასრულოს ვალდებულება  და საქართველოს მიაწოდოს ინფორმაცია, თუ რა ტვირთი შედის რუსეთიდან აფხაზეთსა და სამხრეთ ოსეთში, კრემლი   მარშრუტით, მოსკოვი-სოხუმი-თბილისი-ერევანი სარკინიგზო მიმოსვლის აღდგენას ითხოვს.
"მემგონი ჩაიშლებოდა ჩეხეთის შეხვედრა, რადგან იმდენჯერ ვახსენეთ აბაშიძე-კარასინი, რომ ალბათ სლოკინისაგან ვეღარ მოახერხებდნენ გაგრძელებას საუბრის. რასაკვირვეკლია  ეს თემა წამოჭრილი იყო. ვერ ჩამოვყვები ვინ რა თქვა და ვის რა წარმოდგენა აქვს, კითხვას წარმოადგენს ის ფაქტი, რომ  გაჟღერდა თემა შეხვედრის და ეს იყო დაკავშირებული თითქოს შვეიცარიაში არსებული კომპანიის მიერ უკვე იმ გადაწყვეტილების შესრულება, რისი პირობაც დადო რუსეთმა, უკვე 4 წლის წინ და ჯერაც არაფერი  ნაბიჯი არ ჰქონდა გადადგმული და არანაირი ინფორმაცია მათი  ვალდებულების შესაბამისად, იმის თაობაზე, თუ რა ტვირთი შედის რუსეთიდან  სამხრეთ ოსეთში  და აფხაზეთში, საქართველოს ხელისუფლებას არ მიუღია.უფრო საკვირველია ის, რომ საქართველოს არც ყოფილი და არც დღევანდელი ხელისუფლება ამ კითხვას არ სვამდნენ საერთოდ. არ ახსენებდნენ რუსეთს ასეთ ვალდებულებას. უცებ, ეს თემა აღმოჩნდა მთავარი  ასეთი მოლაპარაკებების, მაგრამ ძირითადი ჩემი აზრით, ის რაც კულვუარებში არსებობს და არა მხოლოდ, ღია მედიაშიც იყო ამაზე საუბარი, რომ მორიგი უტიფარი ულტიმატუმი წაგვიყენა კრემლმა, რომ თუ გვინდა რომ მათ შეასრულონ ვალდებულება, თურმე სანაცვლოდ უნდა გაიხსნას სარკინიგზო მიმოსვა მარშრუტით, მოსკოვი-სოხუმი-თბილისი-ერევანი. გავიდა დრო ამ ულტიმატუმების მოსმენის, თუ მაინცდამაინც რაიმე სიკეთე გვეგულება აფხაზეთთან სარკინიგზო მიმოსვლის შემთხვევაში, მაშინ იქნებ შევთანხმდეთ და  გადავწყვიტოთ, რომ მარშრუტი მოსკოვი-სოხუმი-ფოთი უფრო მეტი ინტერესის მქონე იქნება საქართველოსთვის. მითუმეტეს არ უნდა დავივიწყოთ, რომ ერთ-ერთი დაინტერესებული სუბიექტი ასეთი ტრასის არსებობა-არ არსებობის, არის კეთილი მეზობელი აზერბაიჯანი. თუ ის არე იქნა ასევე ჩართული ამ პროექტის განხილვაში, მაშინ  ჩვენ არვიცი რას მივიღებთ, მაგრამ აზერბაიჯანს დავკარგავთ",-განაცხადა სოსო ცისკარიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხოშტარია: ჩემზე არ ინერვიულოთ, რუსებთან ბრძოლაში ბევრად მეტისთვის ვარ მზად

როგორ გამოიყენებ მზის ენერგიას ბიზნესში - გაიარე სრულად დაფინანსებული ბიზნესკურსი

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო