IV მექანიზირებულ ბრიგადას 173-ე საჯარო სკოლის მოსწავლეები ესტუმრნენ

2016-04-23 15:59:07, 988 ნახვა

სამხედრო

საქართველოს შეიარაღებული ძალების IV მექანიზირებულ ბრიგადას თბილისის 173-ე საჯარო სკოლის მოსწავლეები ესტუმრნენ.

თავდაცვის სამინისტროს ინფორმაციით, სკოლა 2008 წლის აგვისტოს ომში დაღუპული ვახტანგ გზირიშვილის სახელს ატარებს, რომელიც, სწორედ, IV მექანიზირებულ ბრიგადაში მსახურობდა.

ვაზიანში მოსწავლეების სტუმრობა ვახტანგ გზირიშვილის დაბადების დღესთან დაკავშირებით დაიგეგმა. ბრიგადის წარმომადგენლებმა ახალგაზრდებს ინფრასტრუქტურა დაათვალიერებინეს და სამხედრო საკითხებზე გაესაუბრნენ.

ღონისძიება პროექტის - „ერთი დღე საქართველოს შეიარაღებულ ძალებში“ ფარგლებში განხორციელდა.

ვახტანგ გზირიშვილი ცხინვალის რეგიონში იბრძოდა, იგი 8 აგვისტოს სამხედრო დავალების შესრულების დროს დაიღუპა. სიკვდილის შემდეგ მას ვახტანგ გორგასლის პირველი ხარისხის ორდენი მიენიჭა. დღეს, 23 აპრილს ვახტანგს 28 წელი შეუსრულდებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან