"აქვს მცდელობა, აქცენტები გადაიტანოს საკუთარი ამორალური საქციელიდან" - ასე შეაფასა თათია სამხარაძემ შალვა რამიშვილის დღევანდელი პრესკონფერენცია. 

განცხადებაში, რომელიც სამხარაძემ "ფეისბუკის" გვერდზე გამოაქვეყნა, ნათქვამია, რომ ის [თათია სამხარაძე] არ არის “შალვა რამიშვილის იმედიდან მოშორების” იაფასიანი გეგმის ნაწილი. მისი თქმით, რამიშვილი მასზე სექსუალური ხასიათის შევიწროვებას ახორციელებდა. 

"ექსპრესნიუსი" თათია სამხარაძის განცხადებას უცვლელად გთავაზობთ:

"მინდა სრული პასუხისმგებლობით განვაცხადო, რომ შალვა რამიშვილის მიერ პრესკონფერენციაზე და მანამდეც, არაერთხელ გაჟღერებული ვერსია, თითქოს მისი იმედიდან “მოშორება” რაიმე სახით უკავშირდება ვინმე კონკრეტული პირების პოლიტიკურ ინტერესებს ან მასსა და “იმედის” გენერალურ დირექტორ, გიორგი ბახტაძეს შორის წარმოშობილ უთანხმოებას, არის მხოლოდ და მხოლოდ რამიშვილის მცდელობა, აქცენტები გადაიტანოს საკუთარი ამორალური საქციელიდან. 
მსურს საზოგადოებას განვუმარტო, რომ მე არ ვარ “შალვა რამიშვილის იმედიდან მოშორების” იაფასიანი გეგმის ნაწილი, როგორც ამას შალვა რამიშვილი ყველა სატელევიზიო ეთერით ამტკიცებს. 
შალვა რამიშვილი ახორციელებდა სექსუალური ხასიათის შევიწროვებას ჩემს წინააღმდეგ და ამ სიმართლეს მე სასამართლოში დავამტკიცებ. 
აქვე მინდა განვმარტო, რომ გიორგი ბახტაძე ვერ დააშანტაჟებდა შალვა რამიშვილს, ვინაიდან მე გიორგი ბახტაძისთვის აუდიო ჩანაწერი არ გადამიცია. 
გაცნობებთ, რომ მე და ჩემი ადვოკატები ისევ ველოდებით სამხარაულის სახელობის ექსპერტიზის ეროვნული ბიუროს დასკვნას, რის შემდეგაც სარჩელი შალვა რამიშვილის წინააღმდეგ აუცილებლად შევა სასამართლოში." - ნათქვამია განცხადებაში. 

ცნობისთვის, დღეს შალვა რამიშვილმა პრესკონფერენციაზე ტელეკომპანია "იმედი" ზეპოლაში დაადანაშაულა და განაცხადა, რომ მას აიძულებდნენ მურუსიძის ეთერში მოწვევას. რამიშვილის განცხადებით, "ტელეიმედს"  ჰყავს ფიქტიური მმართველი გიორგი ბახტაძე და ფაქტობრივი მმართველი ირაკლი რუხაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია