2016-04-16 14:12:20, 1181 ნახვა
მსოფლიო
იაპონიაში მომხდარი მიწისძვრის შედეგად დაღუპულთა რაოდენობა 30-ს აღწევს
იაპონიის კუნძულ კიუსუზე, გუშინ მომხდარი მიწისძვრის შედეგად დაღუპულთა რაოდენობა 30-ს აღწევს, - ამის შესახებ kyodo იუწყება.
7,3 მაგნიტუდის სიმძლავრის მიწისძვრას მთელი ღამის განმავლობაში ბიძგები მოჰყვა. სეისმოლოგები ახალ მიწისქვეშა ბიძგებს არ გამორიცხავენ.
ღამის განმავლობაში სეისმოლოგებმა სულ 230 ბიძგი დააფიქსირეს.
მიწისძვრის შედეგად შენობები ჩამოინგრა და ნანგრევებში ადამიანები არიან მოყოლილი. ადგილობრივი ხელისუფლება ხანძრების, ელექტროენერგიის გათიშვების და ხიდების ჩამონგრევის შესახებ იუწყება.
მსხვილი წყალსაცავების გარშემო მაცხოვრებლები დამბების ჩამონგრევის საშიშროების გამო ევაკუირებული არიან. ძლიერ მიწისძვრას ასევე მეწყერები მოჰყვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
