ბრიუსელის აეროპორტში კიდევ რამდენიმე ასაფეთქებელი მოწყობილობა აღმოაჩინეს

2016-03-22 12:57:06, 1216 ნახვა

მსოფლიო

ბელგიის პოლიციამ ბრიუსელის აეროპორტში ასაფეთქებელი მოწყობილობები აღმოაჩინა.

ამის შესახებ ინფორმაციას „ევრონიუსი“ ავრცელებს.

ამასთან, მედია საშუალების ინფორმაციით, ბელგიის ხელისუფლებამ ტერაქტის ვერსია ოფიციალურად უკვე დაადასტურა.

ბრიუსელის აეროპორტის შემდეგ აფეთქებები მოხდა მეტროსადგურებშიც, ქვეყნის ხელისუფლებამ აეროპორტისა და ყველა მეტრო-სადგურის დახურვის გადაწყვეტილება მიიღო.

ჯერ-ჯერობით ინფორმაცია დაშავებულებისა და დაღუპულების შესახებ მხოლოდ აეროპორტიდან ვრცელდება. ამ დროისათვის მეტროს აფეთქების შესახებ ცნობილი მხოლოდ ისაა, რომ სადგურები ევროპულ უბნებში მდებარეობდა, ერთ-ერთი მათგანი ევროპული ორგანიზაციების მთავარ ოფისებთანაა ახლოს, მათ შორის ევროკავშირის.

ამ დრომდე მომხდარზე პასუხისმგებლობა არცერთ ტერორისტულ ორგანიზაციას არ აუღია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან