2025-07-07 16:57:53, 982 ნახვა
პოლიტიკა
„ქართული ოცნების“ ყოველ მეორე ამომრჩეველს სჯერა Deep State და „გლობალური ომის პარტიის“ არსებობის.
ISSA-ს კვლევის თანახმად, „ოცნების“ ამომრჩევლების ყოველი მეორეს (49%) სჯერა „ღრმა სახელმწიფოს“ და „გლობალური ომის პარტიის“ არსებობის.
კვლევის შედეგების თანახმად, ე.წ. „ღრმა სახელმწიფოსა“ და „გლობალური ომის პარტიის“ არსებობა და გავლენა არ არის დამაჯერებელი საქართველოს მოსახლეობის უმრავლესობისთვის (53%), თბილისის მოსახლეობისთვის (62%) და, განსაკუთრებით, პროევროპელი ოპოზიციონერი ამომრჩევლებისთვის (75%).
რაოდენობრივი კვლევის სამიზნე ჯგუფია საქართველოს ზრდასრული მოსახლეობა (18+); პირისპირ ინტერვიუები ჩატარდა 2000 რესპონდენტთან; შერჩევის შეცდომა: ±2.2% მთელი ნიმუშისთვის 95%-იანი სანდოობის დონით. რეაგირების მაჩვენებელი: 71%
საველე სამუშაოები ჩატარდა 2025 წლის 17 ივნისიდან 29 ივნისამდე. კვლევის დონორი: სამოქალაქო საზოგადოების ფონდი. მკვლევარი: სოციალური კვლევისა და ანალიზის ინსტიტუტი (ISSA).
ავტორი: ექსპრესნიუსი,
epn.ge (@expressnews.ge)
