„ქართული ოცნება“ პარანოიულ მდგომარეობაში იმყოფება და ეს კლასიკურად ასეთი რეჟიმის დასასრული ეტაპის მაჩვენებელია - ეს რყევების მომენტებია და ჩვენ უნდა გავუძლოთ, თუმცა გაძლება ადვილი არ არის,- ამის შესახებ საქართველოს მეხუთე პრეზიდენტმა, სალომე ზურაბიშვილმა „სტრატეგია აღმაშენებლის“ ოფისში ჟურნალისტებს განუცხადა.

მისივე თქმით, მათი „ფსიქიკური მდგომარეობა, რასაც აკეთებენ, აჩვენებს, რომ ეს რეჟიმი თვითონ, შინაგანად ვერ არის მწყობრში“.

მან ასევე, უპასუხა კითხვას გამორიცხავს თუ არა თავად იმას, რომ დროებითი საგამოძიებო კომისია მისი დაბარებითაც დაინტერესდეს. საპასუხოდ კი აღნიშნა, „თქვენ გამორიცხავთ“?

„თქვენ გამორიცხავთ? ვერავინ ვერ გამორიცხავს. ეს მდგომარეობა, რაშიც თვითონ იმყოფებიან დღეს, რომელიც პარანოიული მდგომარეობაა, კლასიკურად ასეთი რეჟიმის დასასრული ეტაპის მაჩვენებელია. ვერავინ ვერ იტყვის, ეს დასასრული ეტაპი ჩქარა დამთავრდება თუ გაგრძელდება, გაიწელება. მათი ფსიქიკური მდგომარეობა, რასაც აკეთებენ, მართლაც ასეთი დაჟინებული რეპრესია სულ არაფრისთვის აჩვენებს იმას, რომ ეს რეჟიმი თვითონ, შინაგანად ვერ არის მწყობრში. ეს ჩანს ასევე იმაში, რომ ვიღაცებს უკვე სჯიან შიგნიდან. ეს ხომ წარმოგვიდგენია, როგორ შეიძლება იყოს აღქმული იმ ადამიანების მიერ, რომლებიც აქამდე ყველაფერზე კითხვის, ეჭვის, სინდისის გარეშე მიყვებოდნენ. ახლა ხვდებიან, რომ თურმე, მეც შემიძლია აღმოვჩნდე იმ სიტუაციაში, როგორიც გუშინ ვნახეთ. ეს რყევების მომენტებია და ჩვენ უნდა გავუძლოთ. გაძლება ადვილი არ არის, მითუმეტეს, იმ ადამიანებისთვის. პოლიტიკოსები შეიძლება კიდევ უფრო გამძლე იყვნენ იმიტომ, რომ ყველაფრისთვის მომზადებულები უნდა იყვნენ. იმ ახალგაზრდებისთვის კიდევ უფრო რთულია გაძლება. გამძლეობა იმ ადამიანებისთვის, რომლებიც პროტესტში არიან და აგრძელებენ ამ ქუჩის პროტესტს ისე, რომ ვერ გადაიყვანა ხელისუფლებამ იმ აჯანყების ფორმატში, რაც მათი ერთ-ერთი მიზანია.

დღევანდელ სიტუაციას მე მგონი, პოლიტიკური სპექტრი ძალიან სერიოზულად აღიქვამს, რაც ეხება საზოგადოებას, მგონი, საზოგადოების უდიდესი ნაწილი მართლაც ხვდება, თუ რა არის დღევანდელი ჩვენი მდგომარეობა. ნაწილ საზოგადოებაში ასევე, დამკვიდრდა ერთგვარი შიში. ამიტომ, შეიძლება, ამ განცდების გამოხატვა ნაკლებად ჩანს და არ არის გამოტანილი გარეთ, დარწმუნებული ვარ, რომ ყველა ხედავს, რაც ხდება.

მე არ ვიცი, რეცეპტებს მათ ვერ მივცემ, მაგრამ ვხედავ, რომ ეს არის უკვე პირველი მათი დასუსტების ნიშნები. რა შეიძლება კიდევ გააკეთონ და რა შეიძლება თავში მოუვიდეთ, ამას ვერც წარმოვიდგენ და ვერც ვურჩევდი.

პლატფორმა გუშინ ვერ შეიკრიბა, დღეს ვიკრიბებით და სტრატეგიას დავსახავთ. შემიძლია ახლავე ვთქვა, რომ მიმაჩნია, აქ მხოლოდ ორი გზაა: ერთი, პროტესტის გაგრძელება, ამ მშვიდობიანი ფორმით, სხვა ფორმა ჩემთვის არ არსებობს და მეორე, ოპოზიციის სრული ერთობა ერთ სტრატეგიაზე, ყველაფერზე“,- განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით