ნიუ იორკში წმინდა პატრიკის დღესთან დაკავშირებით ტრადიციული აღლუმი გაიმართა. ათიათასობით ადამიანისგან შემდგარი კოსტიუმირებული მსვლელობა მეხუთე ავენიუზე გაიმართა.

ღონისძიებას 2 მილიონამდე ადამიანი ადევნებდა თვალს.

ცნობისთვის, საყოველთაოდ ცნობილია, რომ წმ. პატრიკი ირლანდიის მფარველი იყო, რომელიც მოღვაწეობდა 387-461 წლებში. წმინდა პატრიკის დღე კულტურული და რელიგიური დღესასწაულია, რომელიც ტრადიციულად ყოველწლიურად წმინდა პატრიკის ხსოვნის საპატივცემოდ 17 მარტს აღინიშნება. ამ დღეს უკავშირდება ბევრი ტრადიცია, აღლუმი, ზეიმები, მწვანე ფერის ტანსაცმლის ტარება და ა.შ. ძირითადად ამ დღესასწაულს აღნიშნავს კათოლიკე ქრისტიანი და ანგლიკანური ეკლესიის მრევლი.

როცა პატრიკი 16 წლის იყო, ირლანდიელმა ყაჩაღებმა მოიტაცეს და ირლანდიაში მონად წაიყვანეს. პატრიკს ერთ დღეს, ძილში ღმერთი გამოეცხადა, რომელმაც უთხრა, რომ ტყვეობისთვის თავი უნდა დაეღწია. სანაპიროზე უნდა გასულიყო და გემის მეშვეობით სამშობლოში დაბრუნებულიყო. მან გააკეთა ღვთის მიერ მინიშნებული და წარმატებით დაბრუნდა სახლში, სადაც მღვდლად აღიკვეცა.

გავიდა დრო და უფლის ნებით პატრიკი ირლანდიაში დაბრუნდა, როგორც ეპისკოპოსი, რათა ირლანდიელებისთვის რელიგია-პოლითეიზმი, ქრისტიანობით შეეცვალა. ირლანდიური ფოლკლორის მიხედვით, წმინდა პატრიკი ქრისტიანული სწავლებისთვის სამყურას იყენებდა, რათა სამების არსი განემარტა. 

30 წლის შემდეგ ევანგელიზაციიდან 461 წლის 17 მარტს იგი გარდაიცვალა. ტრადიციის თანახმად იგი დაუნპატრიკში დაკრძალეს.

რაც შეეხება წმინდა სამყურას, 1798 წლის აჯანყებაში, რომელიც იმ იმედით მოხდა, რომ რაიმე პოლიტიკურ მდგომარეობას მიეღწიათ ადგილობრივებს, ირლანდიელ ჯარისკაცებს მთლიანად მწვანე ფორმები ეცვათ, რათა მიოექციეათ საზოგადოების ყურადრება და ფრაზა "მწვანით შემოსილი" სწორედ მას შემდეგ გახდა აქტუალური.

ცნობისთვის, ეს დღე მსოფლიოს ბევრ ქვეყანაში აღნიშნეს. “Global Greening"-ის კამპანიას შეუერთდა საქართველოც და თბილისის ანძა მწვანედ განათდა. 2016 წლის 17 მარტს თბილისისა და დუბლინის დამეგობრების 2 წელი და საქართველოსა და ირლანდიას შორის დიპლომატიური ურთიერთობების დამყარების 20 წელი აღინიშნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან