Amnesty International საქართველოში სამართალდამცავების მხრიდან გენდერული ძალადობის ფორმებთან დაკავშირებით ანგარიშს აქვეყნებს.

ორგანიზაციის განცხადებით, ქართული პოლიცია ქალი აქტივისტების წინააღმდეგ სულ უფრო მეტად იყენებს გენდერული ძალადობის ფორმებს, მათ შორის, სექსისტურ შეურაცხყოფებს, სექსუალური ძალადობის მუქარებსა და უკანონო გაშიშვლებას, რაც მშვიდობიანი მომიტინგეების დაშინებასა და დასჯას ემსახურება.

ანგარიშში წერია, რომ უფლებადამცველმა ორგანიზაციამ საპროტესტო აქციებზე ქალი დემონსტრანტების წინააღმდეგ მიმართული სექსისტური შეურაცხყოფისა და სექსუალური შევიწროების შესახებ ცნობები მსხვერპლებისგან მიიღო. ორგანიზაცია ხაზს უსვამს, რომ ეს შემთხვევები იზოლირებული არ არის და სისტემატურ ხასიათს ატარებს.

"ქართველი დემონსტრანტები საქართველოში სისტემატურად იტყობინებიან, რომ ექვემდებარებიან პოლიციის მხრიდან დამამცირებელი მოპყრობას, მათ შორის, სექსისტურ სიტყვიერ ძალადობას, გაშიშვლებით ჩხრეკასა და ძალადობის მუქარებს. დღემდე ეფექტიანი გამოძიება არ ჩატარებულა და არცერთი დამნაშავე პოლიციელი პასუხისგებაში არ მიცემულა. ეს შემთხვევები არ არის იზოლირებული, არამედ, როგორც ჩანს, ქართულ სამართალდამცავ სამსახურებში ძალადობისა და დაუსჯელობის უფრო ფართო კანონზომიერების ნწილს შეადგენს.

დამცირება, სექსისტური რიტორიკა და ფიზიკური ძალადობა, რომელიც საქართველოში ქალი დემონსტრანტების წინააღმდეგ არის მიმართული, ესადაგება კრიტიკული აზრის გამომხატველი და მიმდინარე პროტესტებში მონაწილე პირების დაშინების უფრო ფართო ძალისხმევას". - წერია ანგარიშში.

ანგარიშში ოპოზიციონერი ლიდერის, ელენე ხოშტარიას ძალადობრივ დაკავებასა და მის მიმართ დამამცირებელ მოპყრობაზეა საუბარი.

ორგანიზაცია ჟურნალისტ მზია ამაღლობელისთვის ბათუმის პოლიციის უფროსის მიერ მიყენებულ შეურაცხყოფაზეც ამახვილებს ყურადღებას.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია