უზენაესი სასამართლოს თავმჯდომარის დასამტკიცებლად 76 დეპუტატის მხარდაჭერაა საჭირო

2015-02-17 14:27:53, 600 ნახვა

პოლიტიკა

უზენაესი სასამართლოს თავმჯდომარის კანდიდატის დასამტკიცებლად 76 დეპუტატის მხარდაჭერაა საჭირო.

პარლამენტის რეგლამენტის გათვალისწინებით, უზენაესი სასამართლოს თავჯდომარე 10 წლის ვადით უნდა იქნას არჩეული.

საქართველოს პრეზიდენტის მიერ წარდგენილ უზენაესი სასამართლოს თავჯდომარეობის კანდიდატს შესაბამისი კომიტეტები განიხილავენ. შემდეგ, კი ბიურო კანდიდატურას პარლამენტს წარუდგენს.

თუ საქართველოს უზენაესი სასამართლოს თავჯდომარის თანამდებობაზე დასახელებულმა კანდიდატმა ვერ მიიღო საქართველოს კონსტიტუციითა და ამ რეგლამენტის გათვალისწინებული ხმების საჭირო რაოდენობა, პარლამენტს ახალი კანდიდატი წარედგინება.

ცნობისთვის, საქართველოს პრეზიდენტმა გიორგი მარგველაშვილმა უზენაესი სასამართლოს თავჯდომარის პოსტის დასაკავებლად ნინო გვენეტაძის კანდიდატურა წარადგინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან