გაერთიანებული სამეფოს თავდაცვის მინისტრის, ჯონ ჰილის განცხადებით, მოკავშირე ქვეყნებმა უკრაინისთვის 21 მილიარდ ევროზე მეტი ღირებულების სამხედრო დახმარების გამოყოფის დაპირება გასცეს.

„ეს უკრაინის სამხედრო დაფინანსების რეკორდულ ზრდას წარმოადგენს“, - აღნიშნა გაერთიანებული სამეფოს თავდაცვის მინისტრმა ბრიუსელში, უკრაინის თავდაცვის საკონტაქტო ჯგუფის შეხვედრის შემდეგ გამართულ პრესკონფერენციაზე.

მისი თქმით, გაერთიანებული სამეფო ასევე აგრძელებს მხარდაჭერას და წელს უკრაინის სამხედრო მხარდაჭერისთვის, ჯამში, 4.5 მილიარდ ფუნტზე მეტი დაიხარჯება.

ამასთან, მან უკრაინაში ცეცხლის შეწყვეტის მოლაპარაკებებზეც ისაუბრა და განაცხადა, რომ რუსეთის პრეზიდენტი, ვლადიმერ პუტინი „ფეხის მოთრევასა“ და მოლაპარაკებების გაჭიანურებას აგრძელებს.

„დღეს ერთი თვე გავიდა მას შემდეგ, რაც რუსეთმა უარყო პრეზიდენტ ტრამპის სამშვიდობო შეთანხმება. პუტინმა თქვა, რომ მშვიდობა სურდა, მაგრამ ცეცხლის სრული შეწყვეტა უარყო. პუტინმა თქვა, რომ მშვიდობა სურდა, მაგრამ ის აგრძელებს ფეხის მოთრევასა და მოლაპარაკებების გაჭიანურებას. პუტინმა თქვა, რომ მშვიდობა სურდა, თუმცა მისი ძალები აგრძელებენ უკრაინის, როგორც სამხედრო, ასევე სამოქალაქო ობიექტების დაბომბვას“, - აღნიშნა ჯონ ჰილმა.

მისი თქმით, 2025 წელი კრიტიკული წელია უკრაინაში მიმდინარე ომისთვის.

„ახლა კრიტიკული მომენტია. თავდაცვის ინდუსტრიებისთვის, სამხედროებისთვის და მთავრობებისთვის, რომ გააქტიურდნენ“, - აღნიშნა გაერთიანებული სამეფოს თავდაცვის მინისტრმა.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე