2025-01-06 17:03:29, 553 ნახვა
საზოგადოება
„ვისოლ ჯგუფის“ სათავო ოფისთან საპროტესტო აქცია მიმდინარეობს
„ვისოლ ჯგუფის“ სათავო ოფისთან საპროტესტო აქცია ლოზუნგით - „არა რუსული ძალადობრივი რეჟიმის დამფინანსებლებს“ მიმდინარეობს. აქციის მონაწილეებს მიტანილი აქვთ სხვადასხვა შინაარსის ბანერები - „არა რუსული ძალადობრივი რეჟიმის დამფინანსებლებს“, „პოლიტპატიმრის ამოჭრა რეკლამიდან სამარცხვინოა“ და ა.შ.
აქციის მონაწილეთა თქმით, ბიზნესებს, რომლებიც ხელისუფლებას აფინანსებს, საზოგადოებამ ბოიკოტი უნდა გამოუცხადოს.
„როცა ხელისუფლება ადამიანებს იჭერს, აწამებს მოქალაქეებს, ეს ბიზნესები არიან, რომლებიც მათ აფინანსებენ და ამართლებენ. ბიზნესები უნდა იყვნენ საზოგადოების მსახურები. ჩვენ მათ პროდუქციას ვყიდულობთ“, - განაცხადა საინიციატივო ჯგუფ „დამკვირვებლების“ ლიდერმა, გურამ ჩუხრუკიძემ.
ავტორი: ექსპრესნიუსი,
epn.ge (@expressnews.ge)
