2016-02-26 00:09:56, 1649 ნახვა
სამართალი
შსს ტყიბულში მომხდარ ინციდენტზე განცხადებას ავრცელებს
შინაგან საქმეთა სამინისტრო ტყიბულში ''საქნახშირის'' ადმინისტრაციის შენობაში, მეშახტეების შეჭრის ფაქტთან დაკავშირებით განმარტებას აკეთებს.
უწყებაში აცხადებენ, რომ ადმინისტრაციის წინ შეკრებილმა მოქალაქეებმა, რომელთა ნაწილიც ალკოჰოლური ზემოქმედების ქვეშ იმყოფებოდა დააზიანეს შენობის ფანჯრები და ადმინისტრაციის შენობაში შეიჭრნენ.
"ტყიბულის რაიონულ პოლიციაში შევიდა შეტყობინება, რომ მაღაროს ადმინისტრაციის წინ შეკრებილმა მოქალაქეებმა, რომელთა ნაწილიც ალკოჰოლური ზემოქმედების ქვეშ იმყოფებოდა დააზიანეს შენობის ფანჯრები და ადმინისტრაციის შენობაში შეიჭრნენ. საზოგადოებრივი წესრიგის უზრუნველყოფის მიზნით ადგილზე იმყოფებიან ტყიბულის პოლიციის რაიონული სამმართველოს თანამშრომლები. ამ დროისთვის სიტუაცია კონტროლს ექვემდებარება,"-აცახდებენ შინაგან საქმეთა სამინისტროში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
