2024-08-10 14:25:20, 1035 ნახვა
სპორტი
ქართველი მოჭიდავე გივი მაჭარაშვილი პარიზის ოლიმპიადაზე მეოთხედფინალში გავიდა
პარიზის ოლიმპიადაზე თავისუფალი სტილით მოჭიდავე გივი მაჭარაშვილი (-97 კგ) 1/4 ფინალში გავიდა. მან სამხრეთ აფრიკელი ნიკოლას დე ლანგე 12:2 დაამარცხა.
კიდევ ერთი ქართველი მოჭიდავე გოდერძი ძებისაშვილი (-65 კგ) სომეხ სპორტსმენ ვაზგენ თევანიანთან 0:11 დამარცხდა. ძებისაშვილს ჯერ კიდევ აქვს ბრინჯაოს მედლის შანსი, თუ სომეხი ფალავანი ფინალში გავა.
დღეს, 10 აგვისტოს საღამოს გენო პეტრიაშვილი (-125 კგ) ოლიმპიური ოქროსთვის იბრძოლებს. მისი მეტოქე ირანელი ამირ ჰოსეინ ზარეჰია.
ძალოსან ლაშა ტალახაძეს დღეს მესამე ოლიმპიური ოქროს მოპოვება შეუძლია. შეგახსენებთ, რომ ის არის ორგზის ოლიმპიური ჩემპიონი (2016 და 2021), მსოფლიოს შვიდგზის და ევროპის შვიდგზის ჩემპიონი.
ავტორი: ექსპრესნიუსი,
epn.ge (@expressnews.ge)
