დიახ, 2008 წელს ჩატარდა ქართველთა ეთნიკური წმენდა, - ამის შესახებ საქართველოს იუსტიციის მინისტრმა თეა წულუკიანმა მიუნხენში, ჰააგის სისხლის სამართლის საერთაშორისო სასამართლოს პროკურორ ფატუ ბენსუდასთან შეხვედრის შემდეგ განაცხადა.

როგორც მინისტრმა აღნიშნა, ჰააგის სასამართლოს გადაწყვეტილება ძალიან კარგად არის მოტივირებული.

„ჩვენი მთავარი იარაღი და სამუშაო ინსტრუმენტი ამ საქმეში არის გამჭვირვალობა, თანამშრომლობა, რომ შევძლოთ საერთაშორისო დონეზე და ამ სასამართლოს ფარგლებში მტკიცებულებებით ვაჩვენოთ, რომ დიახ, 2008 წელს ჩატარდა ქართველთა ეთნიკური წმენდა, რომ იქ ჩვენი არაერთი კულტურული მემკვიდრეობა და სულიერი კერა განადგურდა. მადლობა გადავუხადე მე პირადად ქალბატონ ბენსუდას იმისთვის, რომ ჰააგის სასამართლოს გადაწყვეტილება არის ძალიან კარგად მოტივირებული და მოტივირებულია იმაში, რომ ეს იყო საერთაშორისო კონფლიქტი, რომ ქართველები იყვნენ მსხვერპლნი და, რომ სამხერთ ოსეთი არის საქართვლო“, - განაცხადა თეა წულუკიანმა. 

ცნობისთვის, მიუნხენში საქართველოს პრემიერ-მინისტრ გიორგი კვირიკაშვილისა და პროკურორ ფატუ ბენსუდას შეხვედრას, იუსტიციიის მინისტრის გარდა თავდაცვის მინისტრი თინა ხიდაშელი და პარლამენტის საგარეო ურთიერთობათა კომიტეტის ტავმჯდომარე თედო ჯაფარიძე ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა