2024-05-25 18:56:32, 1094 ნახვა
ომი უკრაინაში
რუსები ხარკოვში ჰიპერმარკეტს დაესხნენ თავს - შენობაში 200-მდე ადამიანი იმყოფებოდა [ვიდეო]
რუსული ძალები ხარკოვის ერთ-ერთ რაიონში სამშენებლო ჰიპერმარკეტს დაესხნენ თავს. ამის შესახებ ინფორმაციას და ამსახველ ვიდეოკადრებს უკრაინის პრეზიდენტი ვოლოდიმირ ზელენსკი ავრცელებს.
როგორც ზელენსკი წერს, წინასწარი მონაცემებით, თავდასხმის დროს ობიექტში 200-ზე მეტი ადამიანი იმყოფებოდა და გარდაცვლილთა და დაშავებულთა რაოდენობა ზუსტდება.
ადგილზე მობილიზებულია ყველა შესაბამისი სამსახური, რომლებიც ადამიანების გადარჩენასა და ხანძრის ჩაქრობას ცდილობენ.
"მივმართავთ ყველა სახელმწიფოს ყველა ლიდერს: ჩვენ გვჭირდება საჰაერო თავდაცვის მნიშვნელოვანი გაძლიერება და საკმარისი შესაძლებლობები რუსი ტერორისტების გასანადგურებლად. მოგვეცით საჰაერო თავდაცვა, გადაარჩინეთ ხალხი", - წერს ვოლოდიმირ ზელენსკი "ფეისბუქზე".
ავტორი: ექსპრესნიუსი,
epn.ge (@expressnews.ge)
