საქართველოს ფინანსთა სამინისტროს საგამოძიებო სამსახურმა, 7 პირი დააკავა. საქმე ბიუჯეტის დაზიანების, ყალბი დოკუმენტების დამზადებისა და მსხვილი საწარმოს ხელმძღვანელთა მხრიდან გულგრილობის ფაქტზეა აღძრული.

გამოძიებით დადგენილია, რომ 2015 წლის აგვისტოდან ამავე წლის დეკემბრის ჩათვლით, 9 სხვადასხვა შპს-ს სახელით ჯამში, 609 ათას 794 ლარის ღირებულების ცემენტის იმპორტი განხორციელდა. გაფორმების ეკონომიკურ ზონაში სასაქონლო საბაჟო დეკლარაციებისთვის საგადასახადო კანონმდებლობით გათვალისწინებული ყვითელი დერეფანი შეირჩა, რაც ავტომატურად ტვირთის გატანამდე გადახდის დამადასტურებელი დოკუმენტის წარდგენას გულისხმობს. ბრალდებულებმა, ტვირთის მოტყუებით გასატანად გადახდის ყალბი დოკუმენტები შეადგინეს, რეალურად ბიუჯეტთან ანგარიშსწორება არ მოახდინეს, რითაც სახელმწიფო ბიუჯეტს 110 ათასი ლარის ზიანი მიადგა.

აღნიშნული დანაშაულებრივი ქმედებისათვის, მოქალაქეებს ნიაზ ლაცუზბაიას, ჯაბა შელიას, პაატა ბასარაიას, გელა ბოხუას, ვიქტორ ხუფაცარიას, კობა ყოლბაიასა და შოთა ეხვაიას ბრალი საქართველოს სისხლის სამართლის კოდექსის 185-ე, 210-ე და 220 პრიმა მუხლით წარედგინა. საქართველოს სისხლის სამართლის კოდექსის - 185 მუხლი, რაც ქონების დაზიანებას მოტყუებით გულისხმობს და ჯარიმით ან თავისუფლების აღკვეთით ვადით 4-6 წლამდე ისჯება. 210 მუხლი ყალბი საკრედიტო ან საანგარიშსწორებო ბარათის დამზადება, გასაღება ან გამოყენებას გულისხმობს, რაც თავისუფლების აღქვეთას 4-7 წლამდე ითვალისწინებს, ხოლო 220 მუხლი, უფლებამოსილების ბოროტად გამოყენებას გულისხმობს, რაც თავისუფლების აღკვეთას 3-5 წლამდე ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა