უახლოეს ხანებში გამოვაცხადებთ ვაზიანის აეროპორტის გენერალური განვითარების გეგმის შემუშავებაზე ტენდერს. მნიშვნელოვანია, რომ აღნიშნულ პროექტში ფინანსურ თანამონაწილეობას იღებს აზიის განვითარების ბანკი. გეგმის მიხედვით, რომელიც უფრო დამუშავებასა და დაზუსტებას საჭიროებს, 2029 წლისთვის ჩვენ უკვე უნდა გვქონდეს ახალი აეროპორტი და დავიწყოთ ტრანზიტული პერიოდი, როდესაც თბილისის არსებულ აეროპორტს გადავიტანთ ახალ აეროპორტში, – ამის შესახებ საქართველოს აეროპორტების გაერთიანების გენერალურმა დირექტორმა, ირაკლი ქარქაშაძემ განაცხადა.

მისი თქმით, საქართველოს აეროპორტების გაერთიანებამ, მთავრობის დავალებით, ერთი წლის განმავლობაში არაერთი კვლევა ჩაატარა, სადაც ჩართულები იყვნენ სხვადასხვა უწყების და კერძო სექტორის წარმომადგენლები, მათ შორის, აზიის განვითარების ბანკი. დეტალურად იქნა შეფასებული ორი ვერსია: არსებული აეროპორტის განვითარება და თბილისის საერთაშორისო აეროპორტის რელოკაცია.

„შეირჩა ვაზიანის სამხედრო აეროდრომის ყოფილი ტერიტორია, რომელიც დღეს საერთოდ არ ფუნქციონირებს. დღეს პრემიერმა გააჟღერა საბოლოო გადაწყვეტილება და ჩვენ შევდივართ აქტიურ ფაზაში, რაც ნიშნავს თბილისის ახალი აეროპორტის პროექტირებასა და მშენებლობას. უახლოეს ხანებში გამოვაცხადებთ ვაზიანის აეროპორტის გენერალური გეგმის შემუშავებაზე ტენდერს. მნიშვნელოვანია, რომ აღნიშნულ პროექტში ფინანსურ თანამონაწილეობას იღებს აზიის განვითარების ბანკი. ეს იქნება ძალიან ინტენსიური სამუშაოები. საკმაოდ ამბიციური განაცხადია იქიდან გამომდინარე, რომ დღევანდელი აეროპორტი არის 4.5 მილიონი მგზავრის გამტარუნარიანობის და ჩვენ ვსაუბრობთ პირველი ფაზის ფარგლებში წელიწადში ათი მილიონი მგზავრის გამტარუნარიანობაზე, საბოლოო პროექტი კი 20 მილიონი მგზავრის გამტარუნარიანობას გულისხმობს. აქ მხოლოდ აეროპორტებისა და სახელმწიფოს როლზე საუბარი არ არის, კერძო სექტორსაც ძალიან დიდი როლი ენიჭება, რათა ეს ამბიციური განაცხადი ვაქციოთ რეალობად და მოვიზიდოთ ამ რაოდენობის მგზავრები, ავიაკომპანიები და სრულიად სხვა მასშტაბის ინფრასტრუქტურაზეა საუბარი“, – განაცხადა ირაკლი ქარქაშაძემ.

აეროპორტის გაერთიანების გენერალური დირექტორის განცხადებით, დღეის მდგომარეობით, არჩევანი გაკეთებულია და ნომერ პირველი გეგმა აეროპორტის განვითარების სამოქმედო გეგმის ფუნდამენტურ დოკუმენტად გარდაქმნაა.

„გენერალური გეგმა იქნება ის დოკუმენტი, რომელიც სრულიად მოჰფენს ნათელს პროექტის ფაზებს, კერძო სექტორის ჩართულობას, მათ შორის. კაპიტალურ დანახარჯებს“, – აღნიშნა ირაკლი ქარქაშაძემ.

მისი თქმით, ფინანსური მოდელები დამატებითი კვლევის საგანია, რომელიც ნაწილობრივ იქნება გაწერილი ე.წ. მასტერპლანის დოკუმენტში.

„სახელმწიფოს ექნება მნიშვნელოვანი როლი პროექტის როგორც დაფინანსებაში, ისე მართვაში. ასევე, მეტი ბერკეტი იმისთვის, რომ ქვეყნის ერთ-ერთი მთავარი სტრატეგიული ობიექტი იყოს სახელმწიფოს მმართველობის ქვეშ“, – განაცხადა ირაკლი ქარქაშაძემ.

ავტორი: NS (სტატია დაფინანსებულია),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს