ავიაციის სექტორში ურთიერთთანამშრომლობის გაღრმავებაზე ისაუბრეს ლევან დავითაშვილმა და დუბაის სამოქალაქო ავიაციის პრეზიდენტმა, „Emirates Group"-ის დამფუძნებელმა, შეიხმა აჰმედ ბინ საედ ალ მაქტუმმა დუბაიში გამართულ შეხვედრაზე, რომელსაც ასევე ეკონომიკის მინისტრის მოადგილეები - მარიამ ქვრივიშვილი და გენადი არველაძე ესწრებოდნენ. ამის შესახებ ინფორმაციას ეკონომიკის სამინისტრო ავრცელებს.

უწყების ცნობით, შეხვედრაზე მხარეებმა იმსჯელეს დუბაიდან მეტი პირდაპირი საჰაერო რეისების დანიშვნის შესაძლებლობებზე,  რაც სტიმულს მისცემს საქართველოს ტურიზმისა და ავიაციის სექტორის გაძლიერებას.

"როგორც დუბაის სამოქალაქო ავიაციის პრეზიდენტმა აღნიშნა, საქართველოს მთავრობის გადაწყვეტილება იყო ძალიან ეფექტური და სწორი, როდესაც გამარტივდა სავიზო პოლიტიკა, რის შემდეგაც არაბთა გაერთიანებულ საამიროებში საქართველოს მოქალაქეებისთვის უვიზო მიმოსვლის რეჟიმი დაწესდა. მისივე შეფასებით,  მნიშვნელოვანია, რომ საქართველოს აქვს გამორჩეულად ლიბერალური საჰაერო ცის პოლიტიკა, რაც პოზიტიურად ისახება ტურისტული ნაკადების რაოდენობაზე და პირდაპირ არის დაკავშირებული ფრენების ზრდაზე.

შეხვედრაზე საუბარი შეეხო საამიროებიდან საქართველოში ინვესტიციების ზრდას და იმ შესაძლებლობებს, რომლებიც ადგილობრივ, წამყვან კომპანიებს აქვთ საქართველოს საავიაციო ბიზნესში გაძლიერებისა და გაფართოებისთვის.  მხარეები შეთანხმდნენ, რომ ამ მიმართულებით აქტიურ თანამშრომლობას გააგრძელებენ.

აღსანიშნავია, რომ 2023 წელს არაბეთის გაერთიანებული საამიროებიდან მგზავრების რაოდენობამ ნახევარ მილიონს გადააჭარბა.  ამ ეტაპზე 4 ავიაკომპანია - flydubai, Air Arabia, Air Arabia Abu Dhabi და Wizz Air Abu Dhabi კვირაში 50 პირდაპირ რეისს ახორციელებს. ხაზგასასმელია, რომ არაბეთის გაერთიანებული საამიროებიდან მთავარი გადამზიდავი არის flydubai, რომელიც საქართველოში გადაყვანილი მგზავრების რაოდენობით ტოპ-10  ავიაკომპანიას შორისაა", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით