"ლელოს" მზად აქვს გეგმა, როგორ შევასრულებთ ევრორეკომენდაციის ცხრავე პუნქტს უნაკლოდ, ხელისუფლებაში მოსვლიდან ერთ წელში, - ამის შესახებ პარტია „ლელოს“ წევრმა, ანა ნაცვლიშვილმა განაცხადა.

ნაცვლიშვილის თქმით, "ქართულმა ოცნებამ" "ევროპის საწინააღმდეგო დეზინფორმაციულ კამპანიაში 18 თვე დახარჯა".

"ლელოს" მზად აქვს გეგმა, როგორ შევასრულებთ ევრორეკომენდაციის ცხრავე პუნქტს უნაკლოდ, ხელისუფლებაში მოსვლიდან ერთ წელში. ამ გეგმას ჩვენ გავასაჯაროებთ და წარმოგიდგენთ ხვალ პარლამენტში, 15:00 საათზე და ყველას გიწვევთ.

"ქართულმა ოცნებამ" 18 თვე დახარჯა არა ევროპული რეფორმების გატარებაში, არამედ ევროპის საწინააღმდეგო დეზინფორმაციულ კამპანიაში. მათი მიზანი და ამოცანა არასდროს ყოფილა საქართველოს ევროკავშირში გაწევრიანება, რადგან "ქართული ოცნება" ემსახურება რუსეთს, "ლელო" ემსახურება საქართველოს. ამიტომ, ჩვენ ძალიან სერიოზულად და სრული პასუხისმგებლობით ვეკიდებით იმ ისტორიულ შანსს, რომელიც ჩვენს ქვეყანას მიეცა. ასეთი შანსი კი საუკუნეში ერთხელ ჩნდება. ახლა არ არის ნახევარზომების, იმიტირებული პროცესების და კომისიების დრო. ახლა არის სწრაფი, გადამწყვეტი ნაბიჯების დრო, რომ საქართველო სწრაფად წავიდეს წინ ევროპისკენ, გახდეს სრულუფლებიანი წევრი და აღარასოდეს დაბრუნდეს რუსულ ორბიტაზე", - განაცხადა ნაცვლიშვილმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს