ევროპის უსაფრთხოებისა და თანამშრომლობის ორგანიზაციის (ეუთო) ხელმძღვანელობა 2 იანვარს კიევსა და ხარკოვზე განხორციელებულ თავდასხმებს გამოეხმაურა და რუსეთის ქმედებები დაგმო.

განცხადებაში ნათქვამია, რომ ახალი, 2024 წელი ისევე დამთრგუნველად დაიწყო, როგორც წინა წელი დასრულდა.

"სიკვდილმა და ნგრევამ მოიპარა ქალების, კაცების, ბიჭების და გოგონების სიცოცხლე და გაანადგურა აუცილებელი ინფრასტრუქტურა. ყოველდღე, არიან მშვიდობიანი მოქალაქეები, რომლებიც მუდმივად იხდიან ფასს ამ საშინელ კონფლიქტში. ისინი არასოდეს უნდა გახდნენ სასიკვდილო დრონებისა და სარაკეტო თავდასხმების მსხვერპლნი.

ჩვენ ერთად ვგმობთ ამ მიმდინარე თავდასხმებს და სასწრაფოდ მოვუწოდებთ დაუყოვნებლივ შეწყდეს შეუპოვარი ძალადობა, რომელიც არაფერს აკეთებს გარდა უბედურებისა და ტანჯვის მანკიერი ციკლის პროპაგანდისა. ჩვენ მოვუწოდებთ, რომ ეს ომი ახლავე დასრულდეს", - ნათქვამია განცხადებაში.

ცნობისთვის, 2 იანვარს უკრაინაზე რუსეთის მასიურ სარაკეტო თავდასხმას, სულ მცირე, 5 ადამიანი ემსხვერპლა, ხოლო 119 - დაშავდა.

ავტორი: ექსპრესნიუსი,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა