2023-12-28 17:26:04, 681 ნახვა
პოლიტიკა
გაგლოევი - „სამხრეთ ოსეთის“ რუსეთთან შეერთების საკითხი დღის წესრიგიდან არ არის მოხსნილი
"სამხრეთ ოსეთის" რუსეთთან შეერთების საკითხი დღის წესრიგიდან არ არის მოხსნილი, - ამის შესახებ დროებით ოკუპირებული ცხინვალის რეგიონის ე.წ. პრეზიდენტმა, ალან გაგლოევმა განაცხადა.
გაგლოევმა ხაზგასმით აღნიშნა, რომ პოლიტიკურმა ძალებმა პასუხისმგებლობა უნდა აიღონ თავიანთ განცხადებებზე, რადგან ეს ხალხის უსაფრთხოებას ეხება.
"არ არის საჭირო ხალხის მოტყუება. შექმნილ ვითარებაში პრობლემის გადაჭრის გზა არ არსებობს. ჩვენ მუდმივი კონტაქტი გვაქვს ჩვენს რუს კოლეგებთან, ეს არ არის ამოღებული დღის წესრიგიდან", - განაცხადა გაგლოევმა პრესკონფერენციაზე.
ავტორი: ექსპრესნიუსი,
epn.ge (@expressnews.ge)
