​დარწმუნებული ვარ, ის უხერხულობები, რაც არსებობდა, წარსულს ჩაბარდება,- ამის შესახებ დედაქალაქის მერმა, კახა კალაძემ საქართველოში ამერიკის შეერთებული შტატების ახალ ელჩზე, რობინ დანიგანზე საუბრისას განაცხადა.

კალაძის თქმით, აშშ-ს ელჩთან მომავალი თანამშრომლობა კონსტრუქციულ ფორმატში წარიმართება.

„ძალიან ოპტიმისტურად ვარ განწყობილი და დარწმუნებული ვარ, რომ ეს ურთიერთობები აბსოლუტურად სხვა ფორმატში წარიმართება - ის უხერხულობები, რაც არსებობდა, ჩაბარდება წარსულს, იმიტომ, რომ ჩვენ ვსაუბრობთ სტრატეგიულ პარტნიორთან ურთიერთობაზე. ის გაურკვევლობები, რომლებიც განცხადებებისა და მოწოდებების სახით დაფიქსირდა, ძალიან მძიმე და ცუდი იყო. დარწმუნებული ვართ, ახალი ელჩის პირობებში ეს ურთიერთობები დალაგდება, რადგან საქართველო საიმედო პარტნიორი და ის ქვეყანაა, რომელიც ევროპისკენ მიისწრაფვის“, - აღნიშნა კალაძემ.

მისივე თქმით, ქვეყნისთვის ევროპული ღირებულებები ძალიან ძვირფასია, რადგან ევროპა დაფუძნებულია მშვიდობაზე.

„ევროპული ღირებულებები ჩვენთვის ძალიან ძვირფასია. რა არის ეს და რატომ გვინდა ევროპა? ის დაფუძნებულია მშვიდობაზე და იმ ქრისტიანულ საწყისებზე, რაც ასევე, ძვირფასია ჩვენთვის. ის, რომ ვამაყობთ ჩვენი კულტურით, ადათ-წესებით, წარსულით, ამ ყველაფრით ვართ ჩვენ საინტერესო ევროპისთვის“, - განაცხადა კალაძემ.

ავტორი: NS (სტატია დაფინანსებულია),

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა