გვაქვს საფუძველი, რომ ვუთხრათ - მოდი რა, დაისვენე, ნუ გააფუჭებ საქმეს,- ამის შესახებ "ქართული ოცნების" დეპუტატმა, ირაკლი ზარქუამ პრეზიდენტ სალომე ზურაბიშვილთან დაკავშირებით განაცხადა.

როგორც ზარქუამ მედიის წარმომადგენლებთან საუბრისას აღნიშნა, კანდიდატის სტატუსთან დაკავშირებით პრეზიდენტის განცხადებები ქვეყნის მხარდამჭერი არ არის.

"ბოლომდე გვაქვს მიყვანილი რეკომენდაციები და ახლა რომ ჩაერთე, ბიჯო, არავინ გეკითხება, შენი მანდატი ეს არ არის და მაინც კონსტიტუციის დარღვევით ერთვები ამ საკითხში, რა არის ეს. 

თან აქ საუბრობ, რომ არ იმსახურებს კანდიდატის სტატუსს ეს ხელისუფლება - ეს არ არის მხარდამჭერი განცხადება პრეზიდენტისგან. სულ რომ ასე იყოს, დავუშვათ - ეს განცხადება უნდა გააკეთო?! გვაქვს საფუძველი, გონივრული საფუძველი, რომ ვუთხრათ, მოდი რა, ქალბატონო, დაისვენეთ, იყავით ამ სასახლეში, სადაც ხართ. სადაც ამდენი ხანი არ გასულხარ, არ დაინტერესებულხარ, მოდი რა, ახლაც დაისვენე, ნუ გააფუჭებ საქმეს",- განაცხადა ზარქუამ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის