ძალიან ბევრი გაბრაზებული მოქალაქე მიკავშირდება, ბდღვნად არ ეყოფათ მთელი "სანაცეთი"! ვერ წარმოიდგენთ, მანქურთებო, თქვენი თრევის მსურველები რამდენი ვართ!- ასე ეხმაურება "ქართული ოცნების" დეპუტატი დიტო სამხარაძე სახელმწიფო უსაფრთხოების სამსახურის ინფორმაციას, რომლის მიხედვითაც, გარკვეული ჯგუფი ოქტომბერ-დეკემბერში არეულობას და დესტაბილიზაციას გეგმავს.

როგორც სამხარაძე სოციალურ ქსელში წერს, ხალხი "სანაცეთის სამუდამოდ დასამთავრებლად" ოქტომბერ-დეკემბერს, ევროკავშირის წევრი ქვეყნის "სტატუსთან დაკავშირებული ცირკის" დასასრულს ელოდება.

"სახელმწიფო უსაფრთხოების სამსახურის ბრიფინგის შემდეგ, ძალიან ბევრი გაბრაზებული მოქალაქე მიკავშირდება, ბდღვნად არ ეყოფათ მთელი "სანაცეთი"! გონიათ, ხელებდაწყობილი დაველოდებით აყროლებული გეგმების განხორციელებას? ვერ წარმოიდგენთ, მანქურთებო, თქვენი თრევის მსურველები რამდენი ვართ!

ჩვენც მოუთმენლად ველოდებით ოქტომბერ-დეკემბერს, სტატუსთან დაკავშირებული ცირკის ბოლოს, მერე რომ სათქმელი არ ჰქონდეს არავის და ერთხელ და სამუდამოდ დაგამთავროთ! ქვეყნის პატრიოტები ვემზადებით და არა 5იდარასტები, რომლებიც უკრაინაში გყავთ ქვეყნის ასარევ ტრენინგებზე გაშვებული! (ნეტა იცოდნენ რა ელოდებათ უკან რომ ჩამოვლენ).

ზედმეტად აცუნდრუკებულები ხართ, ძალიან პატარა მიზეზი გვინდა და მერე ნახოს თქვენმა მესაკუთრე გლობალურმა ომის პარტიამ, ვისი აჯობებს! ნუ ცდით თქვენს გაცრილ ბედს, ერთ დღეში აგლაგმავთ, სახელისუფლებო რესურსიც არ იქნება საჭირო, ხალხი ვიზამთ და ვერავინ ვეღარ გიშველით!"- წერს სამხარაძე.

შეგახსენებთ, დღეს, 18 სექტემბერს სახელმწიფო უსაფრთხოების სამსახურმა გაავრცელა განცხადება, სადაც ნათქვამია, რომ ხელისუფლების ძალადობრივი გზით შეცვლ​ის მიზნით, გარკვეული ჯგუფი ოქტომბერ-დეკემბერში არეულობას და დესტაბილიზაციას გეგმავს. სუს-ის მტკიცებით, გეგმის ავტორები საქართველოს ყოფილი შინაგან საქმეთა მინისტრის, ვანო მერაბიშვილის მოადგილე და ამჟამად უკრაინის სამხედრო დაზვერვის ხელმძღვანელის მოადგილე გიორგი ლორთქიფანიძე, მესამე პრეზიდენტ მიხეილ სააკაშვილის დაცვის ყოფილი წევრი მიხეილ ბატურინი და უკრაინაში მოქმედი „ქართული ლეგიონის“ მეთაური მამუკა მამულაშვილი არიან.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის