2023-07-20 14:35:34, 2003 ნახვა
ომი უკრაინაში
სირსკი - ბახმუტის დაბრუნებისთვის ყველა პირობაა შექმნილი, ოკუპანტები ნახევრად ალყაში არიან
ახლა ყველა პირობაა შექმნილი ბახმუტის დაბრუნებისთვის კიევის კონტროლის ქვეშ, რუსი დამპყრობლები ნახევრად ალყაში არიან,- ამის შესახებ უკრაინის შეიარაღებული ძალების სახმელეთო ჯარების მეთაურმა, გენერალ-პოლკოვნიკმა ალექსანდრე სირსკიმ განაცხადა.
სირსკის თქმით, უკრაინელი ჯარისკაცები აქტიურ კონტრშეტევაზე გადავიდნენ, რათა ტაქტიკური სიტუაცია გაიუმჯობესონ.
"მიმაჩნია, რომ "ვაგნერის" ძალიან დიდი შეცდომა იყო, როცა მთლიანად ბახმუტში შეძვრნენ, რამაც მათ რიგებში დიდი დანაკარგი გამოიწვია. ფაქტობრივად, მათ დაკარგეს ბრძოლისუნარიანობა. ამ დროისთვის შექმნილია ყველა პირობა იმისთვის, რომ დავიბრუნოთ ეს ქალაქი და ეს 10-ჯერ უფრო ნაკლები დანაკარგით შევძლოთ",- განაცხადა სირსკიმ.
ავტორი: ექსპრესნიუსი,
epn.ge (@expressnews.ge)
