ეროვნული უსაფრთხოების საკითხებში ამერიკის შეერთებული შტატების პრეზიდენტის მრჩეველი ჯეიკ სალივანი აცხადებს, რომ „მარცვლეულის შეთანხმებიდან“ გასვლა რუსეთს ძვირად დაუჯდება.

სალივანმა აღნიშნულ საკითხზე „სიბიეს ნიუსთან“ ინტერვიუში ისაუბრა.

"რუსეთის მიერ „მარცვლეულის შეთანხმების“ დატოვებას დანარჩენი მსოფლიო შეხედავს და შეაფასებს როგორც მოსკოვის უარს, მოამარაგოს გლობალური სამხრეთი, აფრიკა, ლათინური ამერიკა და აზია საჭირო და იაფი სურსათით. და და მე ვფიქრობ, რომ მომავალში რუსეთი ამისთვის უზარმაზარ დიპლომატიურ საფასურს გადაიხდის. ჩვენ მზად ვართ ნებისმიერი სცენარისთვის და ამაზე მჭიდროდ ვმუშაობთ უკრაინელებთან",- განაცხადა სალივანმა.

ცნობისთვის, დღეს, 17 ივლისს რუსეთის პრეზიდენტის პრესმდივანმა, დიმიტრი პესკოვმა თქვა, რომ რუსეთმა „შავი ზღვის მარცვლეულის შეთანხმება“ შეაჩერა.

"მარცვლეულის შეთანხმება", რომელსაც ვადა დღეს ეწურება, გასულ წელს თურქეთისა და გაეროს შუამავლობით გაფორმდა.

ავტორი: ექსპრესნიუსი,

სოციალური ქსელები

ALDE-ს რეზოლუცია „ოცნების“ წევრების წინააღმდეგ პერსონალურ სანქციებს მოითხოვს

სვეტიცხოვლის საკათედრო ტაძრის რეაბილიტაცია 5 მილიონი ლარი დაჯდება

სტრასბურგმა მიშა მშვილდაძეზე თავდასხმის საქმის განხილვა დაიწყო

The Telegraph: აშშ პოლონეთს რუსეთის მხრიდან პროვოკაციულ თავდასხმაზე აფრთხილებს