უკრაინამ შესაძლოა ბიძინა ივანიშვილისა და ირაკლი კობახიძის წინააღმდეგ სანქციები დააწესოს - ამის შესახებ ინფორმაციას რადას დეპუტატი ოლექსეი გონჩარენკო ავრცელებს.

როგორც გონჩარენკო აღნიშნავს, სადეპუტატო მოთხოვნაზე, უკრაინის საგარეო საქმეთა სამინისტროსგან მიიღო პასუხი, რომ  საკითხი განსახილველად არის წარდგენილი სახელმწიფო სანქციების პოლიტიკის განხორციელების უწყებათაშორისი სამუშაო ჯგუფის მიერ.

"ჩემი მოთხოვნის პასუხად, სადაც მოვუწოდებდი ამ ადამიანების მიმართ სანქციების დაწესებას, საგარეო საქმეთა სამინისტრომ მიპასუხა, რომ ეს საკითხი განსახილველად იქნა წარდგენილი სახელმწიფო სანქციების პოლიტიკის განხორციელების უწყებათაშორისი სამუშაო ჯგუფის მიერ

მინდა შეგახსენოთ - ვინ არიან ბიძინა ივანიშვილი და ირაკლი კობახიძე. პირველი არის ქართველი პრორუსი ოლიგარქი, საქართველოს პრემიერ-მინისტრი 2012-2013 წლებში, მაგრამ დღემდე ითვლება „საქართველოს არაფორმალურ მმართველად“. მას მჭიდრო კავშირი აქვს რუსულ პოლიტიკურ ელიტასთან, აქტიურად ეწევა რუსეთის წინააღმდეგ სანქციების გვერდის ავლის საკითხს. 

მეორე კი მმართველი პარტია „ქართული ოცნების“ ხელმძღვანელია. კობახიძე თანმიმდევრულად ავრცელებს რუსულ ნარატივებს, მაგალითად, უკრაინის ომს უწოდებს „მაიდანის შედეგს“, დადებითად საუბრობს საქართველოსა და რუსეთს შორის საჰაერო მიმოსვლის აღდგენაზე.

ეს ადამიანები ეხმარებიან რუსეთს სანქციების გვერდის ავლით და საფრთხეს უქმნის უკრაინის ეროვნულ უსაფრთხოებას, ამიტომ მათ წინააღმდეგ სანქციების დაწესება აუცილებელი ნაბიჯია", - წერს გონჩარენკო.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს