იმას, რომ სააკაშვილი არის ჯანმრთელი, ვერასოდეს ვერ მოისმენდით ჩვენგან,- ამის შესახებ კლინიკა „ვივამედის“ კლინიკურმა დირექტორმა, ზურაბ ჩხაიძემ განაცხადა.

ჩხაიძის თქმით, კლინიკა სააკაშვილის ციხეში დაბრუნების რეკომენდაციას არ გასცემს, ვინაიდან მისი მდგომარეობა არ ექვემდებარება პენიტენციურ დაწესებულებაში გადაყვანას. 

"ამჟამად პაციენტი იმყოფება სტაციონალურ მკურნალობაზე და ეს იმას ნიშნავს, რომ მას ესაჭიროება სტაციონარის პირობებში მკურნალობა. შეთავაზებული აქვს შესაბამისი მკურნალობა. იმას, რომ სააკაშვილი არის ჯანმრთელი, ვერასოდეს ვერ მოისმენდით ჩვენგან. ამ ადამიანს აქვს დაავადებები და შეთავაზებული აქვს სრულიად ადეკვატური მკურნალობა, რაც გაითვალისწინა და აღიარა სტრასბურგმა",- განაცხადა ჩხაიძემ "ტვპირველთან" სატელეფონო საუბრისას.

შეგახსენებთ, რომ გუშინ, 12 მაისს იუსტიციის მინისტრმა, რატი ბრეგაძემ სტრასბურგის სასამართლოს გადაწყვეტილება გაასაჯაროვა, რომლის თანახმადაც მიხეილ სააკაშვილს უარი ეთქვა ვარშავაში საკმურნალოდ გადაყვანაზე და ამასთან ერთად სახელმწიფოს არ დაევალა მისი ქვეყნის შიგნით სხვა სამედიცინო დაწესებულებაში გადაყვანა.

ავტორი: ექსპრესნიუსი,

სოციალური ქსელები

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს