2015-02-09 13:06:00, 1876 ნახვა
მსოფლიო
ანგელა მერკელი და ბარაკ ობამა უკრაინის კონფლიქტთან დაკავშირებით შეხვედრას გამართავენ
გერმანიის კანცლერი ანგელა მერკელი და ამერიკის შეერთებული შტატების პრეზიდენტი ბარაკ ობამა უკრაინის კონფლიქტის განსახილველად დღეს შეხვედრას ვაშინგტონში გამართავენ.
„ბი ბი სი“-ს ინფორმაციით, ბარაკ ობამასთან შეხვედრისას, ანგელა მერკელმა შესაძლოა აღმოსავლეთ უკრაინის იარაღით მომარაგების წინააღმდეგ განცხადება გააკეთოს.
შეგახსენებთ, რომ მიუხენში, 8 თებერვალს გამართულ უსაფრთხოების კონფერენციაზე, ანგელა მერკელმა განაცხადა, რომ აღმოსავლეთ უკრაინაში სამხედროების იარაღით მომარაგების აუცილებლობას ვერ ხედავს.
ცნობისთვის, 11 თებერვალს მინსკში ოთხმხრივი მოლაპარაკება იგეგმება, რომელშიც მონაწილეობას გერმანიის კანცლერი ანგელა მერკელი, საფრანგეთის პრეზიდენტი ფრანსუა ოლანდი, უკრაინის პრეზიდენტი პეტრო პოროშენკო და რუსთის პრეზიდენტი ვლადიმერ პუტინი მიიღებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
