რეანიმაციაში გადაყვანაზე შეთავაზება ექიმებისგან მიიღო და თანხმობა განაცხადა,- ამის შესახებ მიხეილ სააკაშვილის ადვოკატმა, შალვა ხაჭაპურიძემ მისი მონახულების შემდეგ განაცხადა.

მისი თქმით, მიხეილ სააკაშვილს რეანიმაციაში, სავარაუდოდ დღეს გადაიყვანენ. მიზეზად კი სხეულის მასის ინდექსის დაკარგვა სახელდება.

"მე ვნახე სააკაშვილი, უკეთდებოდა გადასხმა, ექთანი შემოვიდა, მერე ვკითხე რა ხდება-მეთქი, თვითონ ბატონ მიხეილს და მითხრესო, რომ გადასაყვანი ხარო და მე თანხმობა განვუცხადეო და ველოდები, როდის შემომაკითხავენ და გადამიყვანენო. მან იცის, რომ დღეს გადაიყვანენ.

თვითონ კლინიკა კარგად მექცევაო, ყურადღებით მექცევიანო, გულისხმიერად - ეს მითხრა. როგორც თვითონ მითხრა, მიზეზი გახდა სხეულის მასის ინდექსი. ასე სუსტად მე არ მინახავს არასდროს, მე და ბატონი ილია ვიყავით და ის დაეხმარა მეორე ოთახში რომ გასულიყო. უჭირს კომუნიკაცია, საუბარი და გადაადგილება ",- განაცხადა ხაჭაპურიძემ.

შეგახსენებთ, რომ ცოტა ხნის წინ "ერთიანი ნაციონალური მოძრაობის" წევრმა, გიორგი ჩალაძემ განაცხადა, რომ მიხეილ სააკაშვილს რეანიმაციაში გადასაყვანად ამზადებდნენ. მისივე თქმით, ექსპრეზიდენტის მდგომარეობა კრიტიკულ ზღვარზეა. 

აღნიშნული ინფორმაცია არ დაადასტურა კლინიკა "ვივამედის" დირექტორმა, ნინო ნადირაძემ. მისი თქმით, ექსპრეზიდენტი არ გადაუყვანიათ რეანიმაციაში და ისევ "ვივამედის" პალატაში იმყოფება.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს