ირანში, ევინის ციხეში ხანძრის შედეგად დაღუპულთა რიცხვი 8-მდე გაიზარდა. BBC-ის ცნობით, ამის შესახებ განცხადება ირანის სასამართლომ გაავრცელა.

ოფიციალური პირების თქმით, დაშავებულია ათობით ადამიანი.

ციხეში ასობით ის ადამიანი იყო მოთავსებული, რომლებიც ბოლო ერთი თვის განმავლობაში ქვეყნის მასშტაბით საპროტესტო აქციებში მონაწილობდნენ.

სასამართლოს მიერ გავრცელებული განცხადების მიხედვით, ხანძარი ციხის სახელოსნოში პატიმრებს შორის ჩხუბის შემდეგ გაჩნდა. სახელმწიფო ტელევიზიამ კი თქვა, რომ ეს იყო "წინასწარ განზრახული" გაქცევის გეგმა, რომელიც როგორც თეირანის ციხეების უფროსმა თქვა, უსაფრთხოების ძალებმა ჩაშალეს.

როგორც BBC წერს, ციხეს დასავლური უფლებადამცველი ჯგუფები დიდი ხანია აკრიტიკებენ. Human Rights Watch-მა ციხის ხელისუფლება წამებაში, ხანგრძლივ დაკითხვებსა და დაკავებულებისთვის სამედიცინო დახმარებაზე უარის თქმაში დაადანაშაულა.

ცნობისთვის, საპროტესტო აქციები 22 წლის ქალის, მაჰსა ამინის გარდაცვალებას მოჰყვა. ამინი ე.წ. მორალის პოლიციამ ჰიჯაბის ტარების წესის დარღვევის გამო დააკავა. მოგვიანებით კი, საჭირო გახდა 22 წლის ქალის კლინიკაში გადაყვანა, სადაც ის გარდაიცვალა.

ავტორი: ექსპრესნიუსი,

სოციალური ქსელები

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა