პოლონეთი არ აპირებს, ქვეყანაში მიიღოს რუსები, რომლებიც ნაწილობრივ მობილიზაციას გაურბიან, - უცხოური მედიის ინფორმაციით, ამის შესახებ პოლონეთის პრემიერ-მინისტრის კანცელარიის უფროსმა, მიხალ დვორჩიკმა განაცხადა.

მან ყურადღება გაამახვილა იმ ფაქტზე, რომ პოლონეთი პოლიტიკური შეხედულებების ან ადამიანის უფლებებისთვის ბრძოლის გამო რეპრესირებული პირებისთვის საზღვრებს არ ხურავს.

„ჩვენ არ ვგეგმავთ რუსეთის მოქალაქეების მიღებას, რომლებიც აქამდე მხარს უჭერდნენ ვლადიმერ პუტინის რეჟიმს და ახლა, როდესაც მოულოდნელად გამოჩნდა იმის შესაძლებლობა, რომ მათ შეუძლიათ მხარი დაუჭირონ ამ რეჟიმს არა მხოლოდ სიტყვებით, არამედ აღმოჩნდნენ ფრონტზე, ისინი უცებ დიდი დემოკრატები გახდნენ და რუსეთის დატოვებას გეგმავენ. ეჭვგარეშეა, ჩვენ არ დავუჭერთ მხარს ასეთ ადამიანებს“, – განაცხადა დვორჩიკმა.

შეგახსენებთ, რომ რუსეთის მოქალაქეებს, რომლებიც ვლადიმერ პუტინის მიერ გამოცხადებულ ნაწილობრივ სამხედრო მობილიზაციას გაურბიან, თავშესაფარს არც ევროკავშირის წევრი და რუსეთის მოსაზღვრე ქვეყნები - ლიეტუვა, ლატვია და ესტონეთი შესთავაზებენ.

ავტორი: ექსპრესნიუსი,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა