გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო თევზჭერის მიმართულებით პრევენციული ღონისძიებები გაატარეს. 

დასავლეთის რეგიონული სამმართველოს თანამშრომლების მიერ, მდინარე რიონის კალაპოტის დათვალიერებისას, ნანახი და ამოღებულია უმეთვალყურეოდ მიტოვებული, მდინარეში განთავსებული 3 ერთეული ხოლიხი ბადე. მდინარე რიონიდან, ასევე ამოღებულია თევზჭერის უკანონო იარაღი - 70 ერთეული ე.წ. ანკელარი.

აღმოსავლეთის რეგიონული სამმართველოს თანამშრომლებმა, თიანეთის მუნიციპალიტეტში, სიონის წყალსაცავის დათვალიერებისას, 600 მეტრი სიგრძის სახლართი ტიპის ბადე ამოიღეს. 
დეპარტამენტის პატრულირებისა და სწრაფი რეაგირებისა და აღმოსავლეთის რეგიონული

სამმართველოს თანამშრომლებმა კი, უკანონო თევზჭერის წინააღმდეგ პრევენციული ღონისძიებები გაატარეს სიონისა და ჟინვალის წყალსაცავებზე. ჯამში, ამოღებულია 1600 მეტრი სიგრძის ე.წ. სახლართი ბადე. 

გარემოსდაცვითი ზედამხედველობის დეპარტამენტის ეკიპაჟები როგორც უკანონო თევზჭერის, ისე სხვა ტიპის გარემოსდაცვითი დანაშაულის პრევენციის, გამოვლენისა და აღკვეთის მიზნით, ქვეყნის მასშტაბით 24-საათიან რეჟიმში პატრულირებენ. 

ავტორი: NS (სტატია დაფინანსებულია),

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები