ევროკავშირი უკრაინის შეიარაღებისთვის მეხუთე ტრანშზე შეთანხმდა, რაც 500 მილიონი ევროს ოდენობით დახმარებას გულისხმობს. ამის შესახებ ევროსაბჭოს პრეზიდენტი, შარლ მიშელი Twitter-ზე წერს.

„ევროპა აგრძელებს მშვიდობის უზრუნველყოფას და ჩვენი ფასეულობების დაცვას. მივესალმები ევროკავშირის საბჭოს პოლიტიკურ შეთანხმებას უკრაინის ევროპული მშვიდობის ფონდის მეხუთე ტრანშის შესახებ. უკრაინის შეიარაღებული ძალების სამხედრო აღჭურვილობისთვის ევროკავშირის მხარდაჭერა ახლა შეადგენს 2,5 მილიარდ ევროს“, - აღნიშნა მიშელმა.

შეგახსენებთ, რომ 16 მაისს ევროკავშირის ქვეყნების საგარეო საქმეთა მინისტრები შეთანხმდნენ უკრაინის შეიარაღებისთვის დახმარების მეოთხე ტრანშის 500 მილიონი ევროს ოდენობის გამოყოფაზე, 24 მაისს კი საბოლოოდ დაამტკიცა ეს გადაწყვეტილება. ამგვარად, იმ დროისთვის, ევროკავშირის მხრიდან უკრაინის იარაღის ჯამური დახმარება 2 მილიარდ ევრომდე გაიზარდა.

ავტორი: ექსპრესნიუსი,

სოციალური ქსელები

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს