„როდესაც პაციენტს ესაჭიროება ელექტრონული რეცეპტის გამოწერა და შესაბამისად ექიმთან ვიზიტი, საყოველთაო ჯანდაცვის პროგრამის ფარგლებში ეს ვიზიტი ყველა ბენეფიციარისთვის უფასოა, მათ შეუძლიათ ისარგებლონ ოჯახის ექიმის უფასო კონსულტაციით და ასევე მიიღონ შესაბამისი სამკურნალო მედიკამენტის ელექტრონული რეცეპტი“, - აღნიშნულის შესახებ ჯანდაცვის სამინისტროს პოლიტიკის დეპარტამენტის ხელმძღვანელმა ეკა ადამიამ ისაუბრა.

ეკა ადამიამ უწყების მიერ ფარმაცევტულ სექტორში მიმდინარე რეფორმა შეაფასა და აღნიშნა, რომ ცვლილებები ფარმაცევტული სექტორის გამჭვირვალობის უზრუნველყოფას და მოსახლეობისთვის მედიკამენტებზე დანახარჯების შემცირებას ისახავს მიზნად.  ამ მიმართულებით უკვე რამდენიმე სიახლე დაინერგა, ძალაში შევიდა ელექტრონული და გენერიკული რეცეპტების სისტემა. ელექტრონული რეცეპტები მეორე ჯგუფის და ასევე ფსიქოტროპულ წამლებზე გაიცემა.

 „აღნიშნული მედიკამენტები თვითნებურად მისაღები საშუალება არ არის. თვითნებურად მიღებამ შეიძლება, პაციენტს ზიანი მიაყენოს. ამიტომ, აუცილებელია,  ექიმის და ბენეფიციარის კონტაქტი აღდგეს, რისი კულტურაც საქართველოში არც ისე მაღალია.

გვაქვს მედიკამენტებიც, რომელიც გამოწერას არ ექვემდებარება, ანუ ისინი შეიძლება, ბენეფიციარმა აფთიაქში თავისუფლად იყიდოს. მეორე ჯგუფის და ხაზგასმით, ფსიქოტროპული წამლები ზუსტად ის მედიკამენტებია, რომელთა არასწორმა დოზირებამ, ან არასწორ შემთხვევაში მიღებამ შესაძლოა, პაციენტს ზიანი მიაყენოს. ამიტომაა მნიშვნელოვანი, რომ სახელმწიფომ ამ თემას ხაზი გაუსვას და ამ მიმართულებით გარკვეული წესები დააწესოს. ექიმების და პაციენტების ურთიერთობა უნდა აღდგეს. პაციენტი ექიმთან ვიზიტზე აუცილებლად უნდა მივიდეს, რათა სწორი დანიშნულებით სწორი, ხარისხიანი და იაფი მედიკამენტი მიიღოს იმისათვის, რომ იმკურნალოს“, – განაცხადა ეკა ადამიამ.

ჯანდაცვის სამინისტროს პოლიტიკის დეპარტამენტის ხელმძღვანელმა აღნიშნა, რომ  ყველა ექიმს,  აქვს შესაძლებლობა მედიკამენტების ელექტრონული რეცეპტი გამოწეროს ხანგრძლივი ვადით, რის შედეგადაც პაციენტს, რეცეპტის მისაღებად ექიმთან ყოველთვიურად ვიზიტი არ დაჭირდება.

ავტორი: NS (სტატია დაფინანსებულია),

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს