რუსეთის პრეზიდენტის, ვლადიმერ პუტინის პრესსპიკერმა დიმიტრი პესკოვმა განაცხადა, რომ რუსეთსა და უკრაინას შორის მოლაპარაკებების რაიმე პროგრესზე საუბარი ჯერ შეუძლებელია, რადგან მხარეებს კიდევ ბევრი აქვთ სამუშაო.

„არავის უთქვამს, რომ მხარეები წინ წავიდნენ, ვინ თქვა, რომ მოლაპარაკებებზე მხარეებს შორის წინსვლაა?!“, - განაცხადა დიმიტრი პესკოვმა და აღნიშნა, რომ ჯერჯერობით არც ერთ ოფიციალურ პირს არ უთქვამს, რომ მოლაპარაკებების გუშინდელი რაუნდი დადებითი იყო.

ამასთანავე, დიმიტრი პესკოვმა ჟურნალისტებს მოუწოდა, „გაარკვიონ ნიუანსები“ და ყურადღებით წაიკითხონ გუშინ გაკეთებული განცხადებები.

შეგახსენებთ, უკრაინასა და რუსეთს შორის მოლაპარაკებების მორიგი რაუნდი სტამბულში გუშინ გაიმართა. მოლაპარაკებების დასრულების შემდეგ, უკრაინის დელეგაციაში განაცხადეს, რომ „სჭირდებათ ბევრი ქვეყანა, მათ შორის თურქეთი, როგორც გარანტი". 

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.