უკრაინის გენერალური პროკურორი ირინა ვენედიქტოვა აღნიშნავს, რომ რუსი ოკუპანტები ყოველდღიურად კლავენ სულ მცირე 5 ბავშვს, ხოლო ომის დაწყებიდან დღემდე, 103 ბავშვი უკვე დაიღუპა. ამის შესახებ პროკურორი "ფეისბუკზე" წერს. 

"რუსეთის ომი უკრაინელი ბავშვების წინააღმდეგ - 103 დაიღუპა და 100-ზე მეტი დაიჭრა. დამპყრობლები ყოველდღიურად კლავენ სულ მცირე 5 ჩვენს შვილს. დღეს დილით ოფიციალურმა მაჩვენებელმა კრიტიკულ და საშინელ ზღვარს 100 გადასცა", - განაცხადა გენერალურმა პროკურორმა.

ამასთან, მან ხაზგასმით აღნიშნა, რომ ეს მონაცემები არ არის საბოლოო - ყველაზე ცხელ წერტილებში და დროებით ოკუპირებულ ტერიტორიებზე პროკურორებს და სამართალდამცავებს არ აქვთ შესაძლებლობა, დაბომბვის ადგილები შეამოწმონ.

„აგრესორმა დაბომბა 400-ზე მეტი სასწავლო დაწესებულება, 59 წაშალა პირისაგან დედამიწაზე“, - განაცხადა ვენედიქტოვამ.

ამ საკითხთან დაკავშირებით მან მიმართა გაეროს გენერალური მდივნის სპეციალურ წარმომადგენელს ბავშვებსა და შეიარაღებულ კონფლიქტებში და გაეროს გენერალური მდივნის სპეციალურ წარმომადგენელს ბავშვთა მიმართ ძალადობის საკითხებში.

„მნიშვნელოვანია, რომ გაეროს სპეციალიზებულმა სააგენტოებმა მიიღონ გადაწყვეტილება უკრაინაში შეიარაღებული კონფლიქტის კონტექსტში ბავშვთა უფლებების დარღვევის შესაფასებლად მისიის განხორციელების შესახებ“, - ხაზგასმით აღნიშნა გენერალურმა პროკურორმა.

როგორც გენერალური პროკურატურის ტელეგრამის არხზეა აღნიშნული, ბავშვების უმეტესობა დაზარალდა კიევის, ხარკოვის, დონეცკის, ჩერნიგოვის, სუმის, ხერსონის, ნიკოლაევისა და ჟიტომირის რეგიონებში.

ავტორი: ექსპრესნიუსი,

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა