პეტერბურგელი ჟურნალისტი და „მედიაზონის“ ფოტოკორესპონდენტი, დევიდ ფრენკებლი საქართველოში არ შემოუშვეს. ამის შესახებ მისი მეუღლე, ვარვარა მიხაილოვა „ტვიტერზე“ წერს.

„საზღვრისკენ მიმავალ გზაზე, 40 საათი გზაში ვიყავით, 2 დღე ველოდით მის გახსნას ზვავსაშიშროების შემდეგ. 8 საათი ვიდექით რუსეთის მხარეს, 14 საათი ველოდით ქართულ მხარეს მხოლოდ იმისთვის, რომ ჩემს ქმარს, ჟურნალისტ დევიდ ფრენკელს აეკრძალოს საქართველოში შესვლა ფორმულირებით „სხვა მიზეზი“, - წერს ვარვარა მიხაილოვა.

როგორც თავად ფრენკელი წერს, მესაზღვრეებმა არ იცოდნენ, რა უნდა ექნათ და პასუხს „ზემოდან ელოდებოდნენ“, საბოლოოდ კი, უარი უთხრეს.

„მომწონს, საქართველოს ხელისუფლების განცხადება, რომ ყველა გადაწყვეტილებას მესაზღვრეები ადგილზე იღებენ. 14 საათი სადაც რეკავდნენ, მხრებს იჩეჩავდნენ, ხანდახან ბოდიშსაც კი იხდიდნენ, რომ თვითონ არ იცოდნენ და პასუხს სადღაც ზემოდან ელოდებოდნენ. საბოლოო ჯამში უარყოფა“, - წერს თავად ჟურნალისტი.

ავტორი: ექსპრესნიუსი,

სოციალური ქსელები

უკრაინამ შემოდგომაზე მოსკოვზე ბალისტიკური რაკეტებით დარტყმები გამოაცხადა

შსს-მ „ქურდულ სამყაროსთან“ კავშირში მყოფი 27 პირი დააკავა

უკრაინულმა დრონებმა მოსკოვის რეგიონში კიდევ ერთ ლოჯისტიკურ ცენტრს შეუტიეს

TI-მ ნანუკა ჟორჟოლიანის სამდღიან დაკავებასთან დაკავშირებით ადამიანის უფლებათა ევროპულ სასამართლოში სარჩელი შეიტანა