2021-11-18 19:37:20, 917 ნახვა
საზოგადოება
სახალხო დამცველის მიერ შექმნილი ექიმთა კონსილიუმის წევრები ჯანდაცვის მინისტრს ხვდებიან
სახალხო დამცველის აპარატის მიერ გავრცელებული ინფორმაციის თანახმად, ომბუდსმენის მიერ შექმნილი ექიმთა კონსილიუმი ჯანდაცვის მინისტრს ხვდებიან.
"რამდენიმე წუთში სახალხო დამცველის წარმომადგენელი მე-18 დაწესებულებაში შევა. პარალელურად მიმდინარეობს სახალხო დამცველთან არსებული ექიმთა კონსილიუმის წევრების შეხვედრა ჯანდაცვის მინისტრ ეკატერინე ტიკარაძესთან. მიხეილ სააკაშვილის მონახულების სურვილი გამოთქვეს კონსილიუმის ექიმებმაც"- ნათქვამია განცხადებაში.
შეგახსენებთ, რომ მიხეილ სააკაშვილის ადვოკატის, ბექა ბასილაიას ცნობით, ექსპრეზიდენტი იურისტებთან შეხვედრის შემდეგ შეუძლოდ გახდა, მან გონება დაკარგა და საკაცით გადაიყვანეს.
ავტორი: ექსპრესნიუსი,
epn.ge (@expressnews.ge)
