მეუფე სპირიდონი „თბილისი პრაიდზე“ - ქუდზე კაცი უნდა გავიდეს, გათახსირებას არ მისცეთ ადგილი

2021-06-28 10:25:29, 1958 ნახვა

კომენტარი

ქუდზე კაცი უნა გავიდეს, რომ არ მისცეს ამ გარყვნილ ხალხს საქართველოს ღვთის რისხვა დაატეხონ თავზე, - ამის შესახებ სხალთელმა ეპისკოპოსმა, მეუფე სპირიდონმა „თბილისი პრაიდის“ ღონისძიებასთან დაკავშირებით განაცხადა.

მეუფე სპირიდონმა საკვირაო ქადაგებაზე საზოგადოებას მოუწოდა, არ მისცენ ორგანიზატორებს ღირსების მარშის ჩატარების უფლება.

„ვიღაც ბოდიში და სოდომისტებს და ნამუსგარეცხილ ხალხს ავყვეთ? ეს გვინდა, საქართველო გავანადგუროთ? ამიტომ ყოველი კაცი, ქუდზე კაცი გავიდეს, დადგეს იქ, რომ არ მისცეს იმ გარყვნილ და გაუბედურებულ ხალხს საქართველოს ღვთის რისხვა და განადგურება დაატეხონ თავზე. ამიტომ, მე პირადად, როგორც მღვდელმთავარი, როგორც რიგითი ქართველი, ყველას მოგიწოდებთ, რომ გახვიდეთ, დადგეთ იქ და ამ გარყვნილებას არ მისცეთ ადგილი საქართველოში, ამ საშინელ ღვთისრისხვას, გათახსირებას, რომელიც ღვთის რისხვის გამომწვევია და საქართველოს გამანადგურებელი, ამას არ მისცეთ ადგილი“, - აღნიშნა მეუფე სპირიდონმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან