2021-05-10 19:41:45, 1495 ნახვა
მსოფლიო
ღაზას სექტორიდან იერუსალიმის მიმართულებით ორ დღეში 5 რაკეტა ისროლეს
დაჯგუფება ჰამასის კონტროლირებადი ტერიტორიიდან, ღაზას სექტორიდან იერუსალიმის მიმართულებით ორ დღეში 5 რაკეტა ისროლეს.
როგორც ცნობილია, ღაზას სექტორიდან იერუსალიმის მიმართულებით 2 რაკეტა 9 მაისს ღამის საათებში ისროლეს. ასევე ორჯერ გახსნეს საარტილერიო ცეცხლიც. რეკეტების გაშვების გამო საგანგებო ვითარება გამოცხადდა ქალაქ აშქელონში.
საჰაერო თავდაცვის სისტემამ Iron Dome-მა ერთი რაკეტა ჰაერშივე გაანადგურა, მეორე კი დაუსახლებელ პუნქტში დაეცა.
მეორე თავდასხმა 10 მაისს დილით განხორციელდა, დაჯგუფება ჰამასის კონტროლირებადი ტერიტორიიდან კიდევ 3 რაკეტა ისროლეს. ამჯერად საგანგებო მდგომარეობა ქალაქ სდეროთში გამოცხადდა. გავრცელებული ინფორმაციით, კი Iron Dome-მა ერთი რაკეთა ჰაერშივე გაანეიტრალა, დანარჩენ საბრძოლო რაკეტებსა და ზარალზე ინფორმაცია არ ვრცელდება.
ავტორი: ექსპრესნიუსი,
epn.ge (@expressnews.ge)
