თბილისის საქალაქო სასამართლოსთან მომღერალი და მოძრაობა „აი იას“ დამფუძნებელი, გია გაჩეჩილაძე (უცნობი) ჟურნალისტ ვახო სანაიას თავდასხმაში ბრალდებულებს მხარდაჭერას უცხადებს.

როგორც გაჩეჩილაძემ ჟურნალისტებთან საუბრისას განაცხადა, ვახო სანაიასი არ სჯერა, რადგან 25 თებერვალს ჯგუფური ძალადობა და თავდასხმა არ მომხდარა.

„თქვენ რა იცით, რომ ესენი მოძალადეები არიან? არ არიან ჯერ გასამართლებულები, ბრალდება შეიძლება ნებისმიერი იყოს, მაგრამ სანამ განაჩენი არ გამოვა, არ არიან მოძალადეები. დარწმუნებული არ ვარ, ველოდები გამოძიებას. მანამდე ეს არის უდანაშაულობის პრეზუმფცია. არ შეიძლება ადამიანებზე ძახილი, რომ შენ ხარ მოძალადე. რადგან ტელევიზიები ამას აკეთებენ, ეს არის ძალიან ცუდი საქართველოში. ეს არის მსუბუქი მუხლი და მსუბუქ მუხლზე შეუძლიათ ადამიანებს, რომ გამოძიებას გარეთ დაელოდონ. იქ ჯგუფური ძალადობა და თავდასხმა არ მომხდარა. მე არ მჯერა ვახო სანაიასი, ჩემი შინაგანი სიმართლის მჯერა და დამაცადეთ, რომ გამოძიება მივიდეს ბოლომდე“, - განაცხადა გია გაჩეჩილაძემ.

შეგახსენებთ, რომ ვახო სანაიასა და მის ოჯახს თავს 25 თებერვალს, გამთენიისას დაესხნენ. შინაგან საქმეთა სამინისტრომ მათზე განხორციელებული ჯგუფური ძალადობის ბრალდებით სამი პირი დააკავა. მათ ბრალი სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ.

ავტორი: ექსპრესნიუსი,

სოციალური ქსელები

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს

რიყის დოქების დემონტაჟი დაიწყეს, მუშები ქართულად ვერ საუბრობენ, ტელევიზიების ჯგუფებზე ძალადობენ

სააკაშვილი- საქართველოში მობრუნდა სამი მეგობარი: კრიმინალი, უშუქობა და უწყლობა. მთავარია მიშა არ მობრუნდეს

თიბისი კონცეპტმა ინოლა გურგულიას შემოქმედებას ახალი სიცოცხლე შესძინა