2021-03-20 15:51:48, 794 ნახვა
მსოფლიო
იაპონიის ხელისუფლებამ 7.2 მაგნიტუდის მიწისძვრის შემდეგ, ცუნამის შესახებ გაფრთხილება გამოსცა
იაპონიაში, მიიაგის პრეფექტურის სანაპიროზე, 7.2 მაგნიტუდის მიწისძვრა მოხდა.
ამის შესახებ ინფორმაციას „დოიჩე ველე“ ავრცელებს.
გამოცემის ცნობით, აღნიშნულის გამო ხელისუფლებამ ცუნამის შესახებ გაფრთხილება გამოსცა.
ცუნამის 1 მეტრამდე (3.2 ფუტი) სიმაღლის პირველი ტალღები მიწისძვრის შემდეგ მცირე ხანში დაფიქსირდა.
როგორც ცნობილია, მიწისძვრის შედეგად 200-მდე კომლი ელექტროენერგიის გარეშე დარჩა.
იაპონიის მეტეოროლოგიური სააგენტოს ცნობით, მიწისძვრა ადგილობრივი დროით, დილის 6:09 საათზე, წყნარი ოკეანის წყლებში მოხდა და მისი სიღრმე 60 კილომეტრს შეადგენდა.
ავტორი: ექსპრესნიუსი,
epn.ge (@expressnews.ge)
