ევროპელი პარტნიორები საჯარო განცხადებებში უნდა ყოფილიყვნენ ბევრად უფრო მკვეთრი, რათა ღარიბაშვილს ეგრძნო ზეწოლა, - ამის შესახებ „ნაციონალური მოძრაობის“ წევრმა, სალომე სამადაშვილმა ჟურნალისტებს განუცხადა.

მისი თქმით, მმართველ გუნდსა და ოპოზიციას შორის მოლაპარაკებების პროცესში შარლ მიშელის წარუმატებლობას გარკვეული მოთამაშეები ევროპაშიც ელოდებოდნენ.

„მე მიმაჩნია, რომ პირველ რიგში პრემიერ-მინისტრის ვიზიტის დროს მიუხედავად იმისა, რომ მას დახურულ კარს მიღმა უთხრეს არაერთი მნიშვნელოვანი გზავნილი, საჯარო განცხადებებში ჩვენი ევროპელი პარტნიორები უნდა ყოფილიყვნენ ბევრად უფრო მკვეთრი იმისთვის, რომ პრემიერ-მინისტრს ეგრძნო ზეწოლა. ბატონ ბორელს და მიშელს შორის ცოტათი დისონანსი ჩანს იმიტომ, რომ ისინი სხვადასხვა განშტოებას წარმოადგენენ, როგორც პოლიტიკური ჯგუფების თვალსაზრისით, ასევე ინსტიტუციურად ევროკავშირში. ბატონი მიშელის წარუმატებლობას ამ პროცესში სამწუხაროდ, ალბათ, ელოდებოდნენ გარკვეული მოთამაშეები ევროპაშიც. მინდა ხაზგასმით ვთქვა, რომ პასუხისმგებლობა ამ ჩაშლილ მოლაპარაკებებზე მიუხედავად ევროკავშირის ყველა ინსტიტუციური პრობლემებისა, ეკისრება „ქართულ ოცნებას“ და მათ მოეთხოვებათ ამაზე პოლიტიკური პასუხი“, - განაცხადა სალომე სამადაშვილმა.

ცნობისთვის, გუშინ მმართველ გუნდსა და ოპოზიციას შორის მიმდინარე 9-საათიანი შეხვედრა შეთანხმების გარეშე დასრულდა.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ